早前見到篇文章話朱古力可以減肥!?哩篇文章標題對Hanna黎講非常"吸睛|，因為我係個10分之中意食朱古力既人。可憐嘅係我為左要保持自己身形，出SHOW果陣冇甘漲BOOK BOOK，所以被逼"河蟹"朱古力。依家我地睇下哩篇野講D乜，信不信由你:) 朱古力一向被當作減肥公敵，節食期間即使啖一小塊亦罪過非常。但事實上，朱古力並非萬「肥」之源，如果識食，朱古力仲可以幫助減磅添！ 英國一項前日公布的調查發現，86%受訪者在減肥期間仍照樣吃朱古力，結果他們都成功減磅；更有91%受訪者減肥期間所吃的朱古力份量，與減肥前一樣。 事實上，不少完全戒吃甜食的減肥者，反而容易「食多咗」，以填補失去甜食的空虛，令他們減磅失敗。而以適量的朱古力滿足食慾，卻較完全戒食的人，更易達到減肥效果。 不過，朱古力本身都屬高糖高脂食品，要食得有「營」，才能幫助減肥，美詩今日就與大家分享下，健康食朱古力的八大Tips： 1. 食黑朱古力，黑朱古力含高百分比可可，亦即含相對地較少的糖。 2. 經常檢視朱古力的成份表和營養標籤，落口前心中有數。 3. 進食只含可可脂，不含其他脂肪的朱古力。 4. 不要進食含植物油的朱古力，因植物油中有較大害處的飽和脂肪。生產商用植物油的原因只不過是想降低成本、增長食用時限及提高溶點。 5. 不要進食有其他餡料的朱古力棒，例如能量棒。大多數有餡料的朱古力棒都是高糖和含有對身體有較大害處的飽和脂肪。 6. 製作甜品時加入可可粉，而不是加入朱古力，從而增加吸收多酚和減少吸收油和糖。 7. 輕嘗淺嚼。礙於朱古力高熱量及高脂的特質，過量食用朱古力會有不良後果。每日經飽和脂肪攝取的能量應少於總攝取量的10%，即男性應攝取少於25克飽和脂肪，而女性應攝取少於20克飽和脂肪。 8. 喝牛奶後別吃朱古力。牛奶含有動物性蛋白質和鈣質，是鹼性食物，而朱古力則含草酸，屬酸性。 兩種食物一同進食，草酸便會和牛奶中的鹼性結合，產生草酸鈣沉澱，刺激腸胃，引致肚痛或肚瀉。 唔知你地信唔信，但Hanna係個朱古力控，依家只係揀黑朱古力黎食，不過至多接受到75%，去到99%，我覺得仲難食過廿四味。 希望幫到想減肥，又中意食朱古力既你地啦!:)
