估不到在威尼斯一到埗遇上的事係船上交通大罷工(此地方並無陸路交通)。 本身都覺得奇怪，何解等左甘耐過曬鐘都無船到，火車站又多人又混亂。一問之下原来今日罷工無曬船。甘點啊，咪靠對腳羅，好彩係米蘭搞左上網打電話，甘咪打去飯店求救。 電話裡頭條友英文純正到呢。。。講左一輪溝通不到之後電郵聯繫。成個威尼斯今日得翻一條線航行！ 結果係我要行過島的另一邊先有船，落船之後中要行多十分鐘先到，係識路的話。好，我心中爆吊一下，深呼吸，買張地圖，就開展我的challenge。其間識左兩個台灣女子。 太陽又猛，我燥到當街打開個唊，羅起件短袖就換！ 你知啦，呢到勁多橫街小橫，小橋流水，我拎住個唊成20k. 上上落落，落落上上。又完全不懂路，成個傻西甘問路問路。拎到我手掌都快起忱！ 有一刻覺得好無助真係好想放棄，個島話大唔大，但我靠住吊那星。冷靜點，我得既，上年係莫斯科吾見電話更更更差都試過啦的大無畏精神，又吾知點死樣最後都比我行到島上另外一邊個碼頭！係到見到一對頭先係火車站的情情侶，大家吹起水來。眼見個男仔(幾靚仔的><)仲要拎埋條女的行李，大汗疊細汗，慘慘豬。原來大家住埋同一間hostel! 然後上船慢慢飄到對面岸酒店那方。 吊，威尼斯呢到其實咪好似長洲放放放大version。本來應該前後半粒鐘的船程，最終用左三粒鐘！ 甘樣被搞一搞，即刻無曬mood.....但事實再一次證明，只要相信自己得，就無咩困難可以左到你。而當你經歷過一些差的，你將會能接受更差的。雖然辛苦，但係一個難能可貴的經验！
