返到房同另一位 roommate 出左去食飯。她仲好好人甘走的時候送左個 key chain，留左個 message比我，勁感動！ 最後一晚係 Vienna 不甘寂寞，係「格仔舖」到碰下運氣。釣到個德國肥佬，帶我去左間 HeHe Bar 飲野，weekdays 個場水靜河飛。之後我叫他車我兜風，去到市中心，夜間的Vienna 依然美麗。 最後他車左我去聞名下不如見面的「多瑙河」。sorry law，夜媽媽黑咪猛咩都睇唔到，但都叫做到此一遊。我覺得有D凍，德國肥佬乘機攬住我抽水，我ok 既。最後他車我返hostel。 返到房都成半夜點幾，我完全無睡意，最後決定一條友去踩單車！ 我好難忘一個人半夜三更踏住單車，聽住容祖兒的《空港》「長長夜裡感激有空港...」於維也納的大街小巷穿梭。 街上很靜，沒有人，我索性大大聲唱出來嗌出來，舉高雙手，讓夜風撲面吹來。 這裡漂亮得令我醉了，繼上一次係馬徳理之後，我再次感受到那一種無比的自由自在和無拘無束。 這樣與Vienna 道別我覺得好正好浪漫。
