出境後天氣比我想像中凍。買車票出翻市區，入閘時先知自己手上個張係發票 receipt，再翻到買票機，張飛當然唔見左，只好再買過張。 出站後轉乘地鐵去 Hostel。莫斯科的地鐵站出名古色古香又漂亮之外，電梯仲好長好深。 可能地方大，月台與月台之間下下好似香港站去中環甘 Q 遠，而且上落位唔係下下有電梯，要化身苦力搬行李！ 再者站內得好少好少 signage ，列車方向又唔清楚。如果你問人，一係十問九唔應，風一般飄過你，當你透明；一係完全唔識英文，雞同鴨講。 最吊詭的是例如一個站會駁成幾條線，但同一個站駁唔同的線原來有不同的站名。你初初唔識你會好亂，唔知自己係邊個站，邊個站打邊個站。 我試過問人但比人點錯路，來來回回上上落落搭到人都顛，勁無助，本來打算上地面搭的士，但又有 D 唔服輸唔份氣！本來四個站，最後搭左我個幾鐘！ 幾經辛苦上到地面，又一考驗來了......
