機票 基本上訂機票就好似股票賣買，要成日候住，睇中就好買。如果唔係之後再睇又會貴D，仲要有時D機位好爆，想買到無得買，一係侷買貴D 既premium economy class。 買來回機票係計劃行程的第一步，只要訂左機票，所有事情感覺踏實多了！之後中間點穿州過省，可以慢慢再度。 歐洲最出名兩間 budget airlines，一係Easy Jet，二係Ryan air。由於小弟資金十分有限，所以好多事必考慮經濟，即價錢。 好衰家，有時出發差一兩日，價錢差好遠。 有時候想留係個到留多一兩日，但係張機票又唔聽話。所以淨係訂transportation 都已經好頭痕。不過現時科技發明，好多airlines都有自己的apps，訂機票時方便多了。 仲有訂機票時要睇清楚邊個機場，留意翻個 airport code，因為好多時一個city 入面唔止有一個機場。仲有睇翻時差個d，唔好矇豬豬因為呢d低能野而miss 左班機。 火車 相對輕鬆點，又唔使同成兩個鐘頭check in，又可以欣賞下沿途風光。 有時book 左的火車係 etickets，print 出來就得，有時要事前係香港的office 拎定paper tickets。好多時要窮遊，要訂early morning的飛，直情係機場火車站 ZZZ， 以下的FYR :) Raileurop: http://www.raileurope.com/index.html Italiarail: https://www.italiarail.com/ SNCB: https://www.b-europe.com/Travel 巴士 一般來說需時較耐。小弟為了慳錢，好多時會book 半夜的巴士，係入面訓，又慳翻晚住宿費。但小弟漸漸變成老弟，要係巴士上過夜，其實都幾攞命。以下的 FYR la。 Euroline: http://www.eurolines.com/en/ Orangeway: http://www.orangeways.com/en 專營來往機場的巴士 上面的都係小弟之前光顧過的，純粹分享一下，歡迎大家交流資訊。
