基本上整個六月都係用來計劃整個旅行，個個月我仲係大學時期翻開part time 的公司part time 地full time 翻工。 Office 裡面大部份都係老外，五湖四海，對我來說是十分保貴的經驗，能夠體驗到很多不同的文化，八成時間講緊英文，oral 突飛猛進。 而我直屬上司係個意大利人，十分靚仔但衰在矮，但唔緊要，坐係電腦枱唔多覺既，我好多時一邊幹活一邊偷偷又明目張膽地望他，專心工作的男性特別charm，搞到我呢經常有無窮的幻想。 打甶鬼佬工係爽既，出四成力已經拍爛手掌，不時聽到well done，good job 等字眼，而且香港人最叻multi tasking，所以我經常一邊工作一邊為我的grad trip 做資料搜索，仲可以print 埋出來tim！ 收工翻屋企，都仲係甘book 呢樣，訂個樣，睇去邊到蒲等等…還好是一個人去，所有野自己話事，但無人可以依賴。 過程係麻煩同痛苦，但都係享受的，因為自己一手一腳plan 曬所有野，完左係好有成功感。 一開始都好猶豫去邊好，無得解本身對西班牙好有好感同好好奇（至今西班牙仍是我的最愛），又碰巧前個排落bar 飲野，齋飲野炸識左個住係馬德理Madrid 的老外，大膽問佢可唔可以住佢到，他爽快的答可以，順理成章第一站就去Madrid。又可以節省多少旅費。 成個幾月流流長仲去邊好呢？ 德國啦，一直都覺得德國人高大威猛，靚仔有型，唔係唔嚐下有名的德國腸下化？！ Mum.... 英國啦，一來大家都說英語，二來中二個年去過之後都無去過，而且個時小伙子中學雞一個，好多野都唔記得lu。 好不容易定左個時間表出來，就係搭以色列搭空由 香港(HKG)飛去以色列首都Tel Aviv (TLV) 特拉維夫，轉機去馬徳理Madrid。 留一日晚上搭夜成八九個鐘頭夜車去Barcelona巴塞隆拿，再搭多約一個鐘頭火車去一個十分hehe 的小鎮Sitges。 之後搭飛機去London，然後去Berlin，之後再翻Barcelona 玩多幾日，最後玩埋個Madrid 就要翻香港了。 HKG - Barcelona -Sitges - London- Cambridge - Berlin - Madrid -HKG 就係呢本簿仔，record左呢人生難忘的 Grad Trip,可惜好多發票存根都唔見左…...
