喺英國都一段日子，經過過西敏寺兩三次，就係未入過去。一直好想去達文西密碼書中講嘅場景，前幾日放假去開倫敦就排長龍入場了！ 去到龍頭先知成廿鎊入場券，但呢啲錢呢唔慳得嘅...... 西敏寺係英國一個好重要嘅教堂，自1066年西敏寺一直係歷代英國君王嘅加冕處，英女王登基、戴安娜王妃葬禮、幾年前呀威廉王子結婚都係呢度行禮。 女皇伊麗莎白一世、亨利三世、科學家牛頓都安葬在此，見唔到真人都叫做去到個墓呀... 如果話大英博物館係用黎擺英國歴代偷返黎嘅文物嘅藏寶庫，西敏寺就係葬左大部分歷史名人嘅神級墓地。 人地黎係睇名人墓地，感受下皇室御用教堂嘅堂皇，我呢，就好似入左本書咁，牛頓個墓？刻左密碼暗示聖杯所在嫁。 讀中學時好迷達文西密碼，本書又講藝術又歴史，個故事半真半假真係好型。 我無宗教信仰，但懷著見識下同尊重嘅心，又咁岩係禮拜時間，我地就坐下參加了禮拜儀式。儀式每日都有，教堂仲好歡迎遊客參加，值得體驗下嫁，仲要係喺西敏寺喎，推薦！ 最後行匀成座教堂出到去另一個書中所講嘅故事場境Chapter House，又準影相喎，影完我地就轉場去熱剌球會啦。咁就一日lu。 _ FB https://www.facebook.com/alicehea/ IG https://www.instagram.com/alicehea/ 得閒同我say個hi啊 :)
