等唔切，大年初一上畫即日要睇。但發生了小意外： 套戲嘅蘇格蘭口音已經令我好驚聽唔明，卻坐正喺幾條醉醉地勁大聲嘅友仔隔離，搞到我淨係聽到佢地講野，有如置身佢哋屋企⋯⋯ 以為佢地電影開始播好有mood的 "Just a perfect day..." 緊就收聲，點知已睇得咁上下嗰幾個人仲講緊癈話。 我把鬼火黑曬面調去十行咁遠。睇多幾分鐘，成套戲 停 左。 嗰幾個人傻左，被職員趕走，連警察都黎埋，所有人食爆谷睇現場鬧劇，嗰幾條友講晒粗口周圍鬧，其中一個女人仲亂咁走，鬧人拍佢片，場面爆笑，我地全場鼓掌。 擾讓一輪後，套戲由頭開始播返，追返我miss左嘅片段。 有關呢套由小說改編的大英經典作，等我癈up下先 ，個人感想唔睇罷就： 電影故事第一集講吸毒的四個蘇格蘭青年，今集就係講呢四個蘇格蘭中年。 就算你係咪電影第一集或小說的粉絲都值得一看，是不錯的視覺和音樂感受，題材負面卻又不至於沉重，小小的幽默和誠實的暴露愛丁堡的罪惡面 令愛丁堡更覺吸引，睇下仔也好。 主角老左廿年都好弗，Spud的戲服亦出奇地好睇。 至於Sickboy呀... 難怪你同Angelina Jolie一齊過，點解咁有型ga。 由於第一集切合地配上當年最紅的Iggy pop和David Bowie兄弟檔各自兩首講吸毒的China Girl經典。續集的音樂實在不小心不可，沒有好的音樂Trainspotting就沒有好的續集，用返八十年代的Queen, Iggy是無法避免的。 開頭播半秒Lust for life吊粉絲癮 我好滿意呀。 還有跳樓被救嗰下。 十粒星我比八粒星。 還有戲院回水比我地嘅free guest tickets 据晒。
