失眠原來都有唔同類型架😨，大致上可分類為入睡困難、睡眠中斷同早起。入睡困難係指難以進入睡眠狀態或者需要長時間先可以入睡🥱🥱；睡眠中斷係指睡眠時會多次起身😑😑；而早起係指身體未休息夠就提早起身同時無法重新入睡🤩🤩。唔同嘅失眠類型可能需要唔同嘅治療方法。治療方法通常包括藥物治療同非藥物治療。藥物治療通常會使用安眠藥或者抗憂鬱藥💊等，但呢啲藥物好大程度都會對身體🩻同心理❤️健康產生負面影響，例如上癮、頭痛😫、肌肉麻痺、精神狀態不穩定🤓等等。所以非藥物治療係一個更加安全同有效嘅選擇。（當然失眠情況嚴重一定要向專業人仕求助！）而非藥物治療包括睡眠衛生、認知行為治療、放鬆療法、聲音療法等等。睡眠衛生係指調整睡眠環境同睡眠習慣，例如保持固定嘅睡眠時間、同時創造安靜舒適😴😴嘅環境，而且仲要限制咖啡因☕️同酒精🥂嘅攝入等等。而認知行為治療係通過改變負面嘅思維模式同行為習慣黎改善睡眠質素。例如放鬆療法咁，可以利用深呼吸😤、瑜伽🧘🏻♀️、冥想🤸🏻等等方式去放鬆心情，有助減輕焦慮同壓力，令到自己更加容易入睡。而聲音療法🎶係指通過輕鬆嘅音樂去幫助入睡，例如白噪音、自然🌧🌬音樂等等，都有助改善睡眠質素架。大家對失眠有冇了解深左呢？
