最近很流行即食雞胸肉，一撕開就食得。但係通常一次過都要買好多，先至有得平。買得多又怕中伏，所以今次為大家整咗一個雞胸肉review ，希望可以幫到想瘦身嘅你1)OPTMEAL呢一個係香港本地牌子，佢哋主力推介慢煮雞胸肉。個人認為佢哋雞胸肉肉汁幾多，一啲都唔”鞋”口幾好味。一開始會好怕佢鈉含量很高因為佢的調味料也不少。但其實佢嘅鈉含量可以接受, 低於200毫克。但相比起其他雞胸肉佢嘅脂肪量較高每一包有差不多5克脂肪。但總括來講我覺得呢一隻牌子值得推介，如果大量購買嘅你，可以多買多平，值得投資 2)The Fresh呢一個係屬於韓國牌子。佢哋好出名好多冷藏健康食物。但個人對依一隻雞胸肉有點兒失望。首先完全冇肉汁，口感較粗”鞋”。我覺得自己煮可能都冇咁鞋。唯一好處係可以喺HKTVmall單件買，唔洗一次買好多，都方便嘅。但如果追求口感嘅你就唔使諗啦 3)Cheepoomdak呢一個都係韓國牌子。一開始比佢嘅芝士吸引住諗住可以邪惡一下。但食落，芝士味一點也不重，而且冇乜特別。口感來講佢比第二隻好少少，但都冇話好多肉汁。如果想有少少新意思，唔係淨係食雞胸肉，都可以試吓嘅。但個人來講我試咗一次就算啦唔會再買。 4)ACHIM呢一款雞胸肉購於7-Eleven。亦係最平嘅一款。個人覺得口感其實唔差，但唔好要求好多肉汁。但我覺得$18嘅價錢，咁嘅質素已經其實好好。最緊要係夠方便去7-Eleven就買到，又唔使一次過買好多，想食先買。 總括來講我覺得如果長期投資雞胸肉嘅朋友可以選擇OPTMEAL, 佢哋嘅質素的確係唔錯而且又多口味選擇。如果只係口痕想試吓嘅你不妨可以去7-Eleven買，又平又唔差。HKTVmall嘅，我覺得就免啦。又唔係特別平但又唔係好好食，好普通嘅雞胸肉囉。希望今次嘅分享幫到大家鍾意嘅話不妨可以分享比其他朋友啊❤️*全部都係自購，食左我好耐😂更多健康資訊會更新在我的Instagram,大家可以追蹤 @healthlife_katy歡迎分享轉發，並且追蹤我IG 👉🏻https://www.instagram.com/healthlife_katy/
