公立醫院嘅輪候時間出名長，有錢、有得揀嘅話，都會想去私家醫院睇醫生，撞啱政府將會推出自願醫保計劃，究竟自願醫保買唔買得？ 其實食物及衛生局一早意識到呢個長遠醫療問題，為咗鼓勵更多香港人選擇在私家醫院接受醫療服務，藉此長遠減輕公營醫療系統嘅壓力，早於2012年就「 自願醫保計劃 （Voluntary Health Insurance Scheme 簡稱 VHIS）」展開公眾咨詢。而當中所指嘅醫保其實即係個人住院保險。 1.想買自願醫保？有兩個Plan可以揀！ 根據自願醫保專頁，任何香港保險公司都可以提供自願醫保，只要產品受食衛局認可，便可推出市場發售。而產品類型則分為「標準計劃」（Standard Plan）及「靈活計劃」（Flexi Plan）。 「標準計劃」嘅條款細則及保障表都必須符合自願醫保之10項最低要求。 保證續保至100歲 不設終身保障限額 訂下標準保單條款及條件，減少爭議 保費透明，須提供年齡分級的保費結構 保險公司須按醫院/醫生提供的醫療支出預算，提供初步賠償估算 承保住院及訂明的日間治療，例如日間手術費及相關處方藥物費用 承保投保前已有病症，但可設有等候期及賠償比率 承保訂明的診斷成像檢測、精神科治療及非手術癌症治療 除了成像檢測外，不要求投保人分擔費用 每個賠償項目提供與市場接軌的保障額，如小型手術，最高賠償為$5,000 「靈活計劃」係另一種政府認可嘅自願醫保產品，以「標準計劃」為框架，再新增一啲「標準計劃」基本保障以外嘅「額外保障」及更高保額，但保費當然會比「標準計劃」貴。 資料來源︰【自願醫保點揀好？】標準計劃 VS 靈活計劃 2.保費估計最平每年2千蚊 咁究竟自願醫保幾錢？明報於3月參考2017年水平，暫時推算出2019年推出果陣嘅平均保費為$4,800，價錢最平2千蚊（ 5至24歲），最貴可以近1萬蚊（ 60至64歲）。行業內部人士就估計，自願醫保平均保費可能會低至每年$2,000-$3,000。 想知實價嘅話，始終要等到2019年4月先至報到價。不過，自願醫保其中一個賣點係保費透明，自願醫保網頁將會列出唔同公司嘅保費，幫助消費者比較。 2.保障範圍有幾大？ 雖然每一間保險公司的「靈活計劃」都唔同，但「標準計劃」同「靈活計劃」都要遵守以下嘅最低保障要求︰ 保障項目 賠償限額 備註 病房及膳食 / 主診醫生巡房費 $750（每日） 最多180日（每保單年度） 雜項費用 $14,000（每保單年度） – 專科醫生費 $4,300（每保單年度） – 外科醫生費 $5,000-$50,000* 視乎手術複雜程度 麻醉科醫生費 / 手術室費 外科醫生費的35% – 訂明診斷成像檢測^ $20,000（每保單年度） 須自費30%檢測費用 訂明非手術癌症治療 $80,000（每保單年度） – 精神科治療 $30,000 （每保單年度） – 入院前、出院後或日間手術前後的門診護理 $3,000（每保單年度） 每次$580 住院/日間手術前，最多1次門診 /急症診症 出院/日間手術後，90日內最多3次跟進門診 4.買自願醫保慳到稅 2018-19年度財政預算案公佈，每名受保人每年可用作扣稅的自願醫保保費「扣除」額為$8,000。有關扣稅安排已於2018年10月31日經立法會通過。大家喺2019/20年課稅年度就可以申報保費支出作扣稅之用。 想粗略估計扣稅額？你可以透過以下公式計一計︰ 扣稅金額 = 自願醫保保費 X 邊際稅率 如果你嘅保費係$5,000，稅率係2%，可獲扣稅金額就係$100﹔如果你嘅收入達到最高稅率17%，可獲扣稅金額就係$850。 資料來源︰自願醫保扣稅攻略 原文︰【自願醫保計劃】VHIS產品保障、保費、扣稅、轉保全攻略！
