幾年前仲住緊九龍城嘅時候 已經係呢度嘅粉絲 成日都會黎食 不過自從搬左去港島 加埋泰金國越黎越多人食之後 就好少機會可以黎到😭 今次咁岩同大爺都未食LUNCH 可以有機會下晝4點幾就黎食晚餐 終於有位啦 太感動🥲 ✨燒牛肉 呢個燒牛肉真係推介😍 燒到非常香 再帶少少焦香味 牛肉肥瘦岩岩好 好淋身 最緊要又唔會好多筋 正❤️ ✨泰式肉碎生菜包 我本身麻麻地食得辣🌶 所以呢個辣度對我黎講係叫做最辣 不過真係炒得非常香口惹味👍🏻 肉碎同埋洋蔥再加埋香料真係冇得頂✌🏻 所以我一路飲野止辣都要一路食 哈哈😁 ✨乾炒雞河 乾炒雞河係我食親泰國野都必點✅ 炒得夠香夠均又唔會太咸😎 我自己鍾意食雞河仲多過食炒金邊粉 哈哈😅 ✨泰式生蝦 呢碟大爺至愛❤️ 食生蝦🦐真係好少有跟埋炸蝦頭 炸蝦頭係炸得超級香👏🏻 生蝦個肉質夠爽口 不錯不錯🥳 ✨椰青🥥 椰青好夠甜 同埋重點係好夠凍🧊 有時出街叫嘅椰青唔夠凍真係唔好飲😭 呢度嘅椰青一飲就夠晒凍冰冰 爽!❄️ ✨椰汁沙冰🥥 沙冰味道好濃 質地好綿好滑😊 但又唔會話好稀好似水咁 仲要非常大杯😎 飲足成餐都夠✌🏻 可能星期日嘅關係 我地食到5點幾走嘅時候 門口已經有1行人係度等緊位🤦🏻♀️ 所以真係要揀岩時間先好黎👌🏻 ✨泰金國 (九龍城) 📍九龍城侯王道9號地下A號舖 #heacookmama
