本人喺深圳自有光治療牙周病以及種植牙，但係對於效果非常唔滿意，然後喺YouTube嘅kol評論，全部被刪除。開頭係睇咗佢哋嘅介紹，去咗深圳自有光，但係冇唸到佢哋係收咗錢，宜家有幾百嘅kol喺YouTube上拍攝推介佢哋，先發覺佢哋居然全部都收咗錢嘅，我評論反應真實情況，全部被刪除咗，強烈譴責哩滴kol,為咗錢而虛假宣傳推介唔專業嘅牙科。我覺得深圳自有光唔好嘅原因主要係有以下幾點：1、牙周病治療效果極差，植牙醫生好後生：本人係佢哋果度治療牙周病，中度牙周病，收咗8000蚊，果個牙醫非常唔專業，好後生，睇上去二十幾歲，剛剛畢業冇幾耐。手術過程痛到差滴喊出來，整個人都係驚冇命行出診室。中度牙周治療居然可以咁痛而冇任何方法，真係好離譜，後尾翻屋企，每日刷牙都出血。而且治療前面診嘅植牙醫生，出方案好兒戲，牙齒鬆動就建議剝，種植就建議種植最貴嘅，佢哋嘅行銷人員非常賣力hard sell，問多幾句完全冇耐心回答，按照佢哋嘅方案，需要六七萬，植牙收費非常貴。第一次牙周病治療後，原本係需要交齊嘅，但係我後尾決定先交一部分，因為第二次唔想佢哋果度治療，睇牙體驗哩一次非常難受。2、唔專業，虛假宣傳：原本以為佢哋香港係有牙科診室，去到先反應只能取模做隱形牙套，根本冇行醫資格，就連洗牙都係冇資格嘅，網上話自己係香港最大嘅連鎖牙科，完全係虛假宣傳，就係商人玩套路，騙我哋，香港佢哋根本冇正規牙科，就連洗牙服務都唔能夠提供，我一開始以為佢哋香港係有實體店嘅，發現全部都係虛假嘅，為嘅就係讓我哋香港以為佢哋香港有正規嘅店，咁樣可以吸引我哋到診睇牙，以為佢哋係香港品牌，真係一個好大嘅騙局。我都係因此被騙過去嘅。3、Kol全部拿錢，自有光內地冇名氣：搜索相關資料先發現佢哋其實今年先開業嘅，第一年開業就拿我哋做小白鼠，雖然好多kol刪除咗差評，但係視頻評論任然部分存在差評，基本上都話視頻宣傳與現實相差好大，除咗需要等，就係唔專業，治療過程好馬虎以及醫生好後生冇經驗，而且收費喺內地係最貴嘅牙科，然後不斷被hard sell，出方案好兒戲，洗牙好唔舒服。同朱咪咪果間差唔多貴甚至更貴，本人去過朱咪咪果間套牙套，自有光係完全冇朱咪咪果間專業。對於自有光哩滴惡行真係不吐不快，希望果滴kol唔好再為咗錢宣傳，你哋嘅粉絲相信你哋，最終去睇牙，如果出現醫療事故，你哋良心何在，同時希望商人賺錢嘅同時一定要做好服務。
