朋友聚舊,最怕去d 餐廳要排餐死…D 枱近到會聽到隔離講咩… 最慘係傾到興起時比人趕交枱……簡直掃興。 其實而家好多工廈有好多好正既餐廳比大家選擇! 今次要介紹呢間位於巧明街既Hamsta Crown Coffee & Corner。 如果有係觀塘工廠區做野既朋友,呢個地方唔算難搵,係巧明街106 號15 樓, 搭LIFT去到14樓再行一層樓梯先到到架! 由14樓行一層樓梯,一上黎就見到個靚靚綠色毛毛牆, 可見老闆真係好有心機裝修。 好似去左日本既CAFE 咁,好靚好舒服,有別於一般上樓CAFE。 一入到門口,店員已經好友善地問我地幾多位,又比我地選擇想坐既位置。 圖片來源: Hamsta Crown Coffee & Corner (Facebook) 入面空間感好大,影相影唔出個空間感,我地幾個女仔選擇左坐角落既榻榻米位置, 店員都好清楚指引我地d 鞋要放邊到,鞋櫃入面都好乾淨,唔會一開有陣怪味, 所以大家可以放心放自己對靚鞋入去。 我地5 個女仔,叫左個四人餐, 由前菜去到甜品,每樣野都好好味! 前菜好精緻,真係for 4人份量架,牛舌4片…鴨胸肉4片… 天婦羅好好味,唔會食到成口油同埋放得有心機。 幾個女仔傾下計,飲下野,份量都足夠的。 但大食既朋友,建議1人1 Set 比較好! 唔好睇個甜品好似無咩特別咁,我地幾個都一致好評! 拖肥味同朱古力味,入面係有夾心, 所以唔會好單調! 比大家睇下其他位置既裝飾,老闆真係好有心機佈置! 所有員工都好nice,我地起身想搵廁所,已經好快話我地知位置。 如果你地上黎,記得去去個廁所,好乾淨之餘, 老闆細心到有埋潄口水係入面,咁就唔怕個口有味道啦, 唔知仲以為自己去左日本呀。 鋪名:Hamsta Crown Coffee & Corner 地址:觀塘巧明街106號冠力工業大廈15樓1501室 Facebook : https://www.facebook.com/hamstacrown/