(轉自我Yahoo blog 2011年的文章) 去德國旅遊，想買一些特別的手信或禮物，除德國腸之外，還有很多特別的選擇。 (純屬本人個人之選，歡迎提供更多意見。) 1. Bahlsen的蛋糕有不同口味，佢的質感比較實在，吃一片已經覺得好滿足，但由於較實在所以亦有一定重量，小心行李超重。厰房位於Hanover機場附近，德國朋友跟我講，可以去廠度試食，甚至以平價(因為有些出品較醜，不能運送給超市出售)購買蛋糕及Leibniz餅乾，因為Leibniz都屬同一公司。 2. Milka係德國公司，雖然香港都有出售，可能款式亦未必及德國咁多，呢款朱古力蛋卷，我係由Munich飛去Hanover機上吃過之後念念不忘，終於係超市揾到。而我到訪時係復活節，亦揾到好多復活節禮品。 3. Ritter亦係相當出名的德國朱古力公司，口味眾多，經常有新口味出品，每年更出特別版口味，或四季特別版。上排係2011年春季4款特別口味之3款。 2011春季特別版之mini裝 年度4款新口味之mini版 4. Bremen的代表標誌就是格林童話的"城市音樂家"(Die Stadtmusikanten)，就是驢，狗，貓及雞。除咗一些傳統的紀念品，這家Bremer Bonbon Manufaktur係當地好有名，店內經常擠滿人，每天新鮮人手造，3.5歐元一罐，有各種不同口味。 5. Vitamalz係德國一款麥芽啤酒(德文：Malztrunk)但係就無酒精，倒出時會有泡好似啤酒咁樣，顏色就深啡好似可樂，飲時有陣麥芽香味，而且帶甜味(因為有加糖漿)，雪凍飲真係好似飲緊啤酒咁。可借行李有限重量，若不我已經搬了很多回來。
