今次介紹既景點唔係位於較香港人熟悉既Oahu島，係要搭半個鐘飛機到旁邊另一個島Maui。呢兩個島比較起來我較喜歡後者，因為旅客數量大幅減少，原住民較多，保留夏威夷既特色 。而且唔似Wakiki專吼旅客生意，物價比較平宜。 由於無 Wakiki 咁旺，交通都無咁方便， 所以租車會比較好。Maui 島由兩個火山形成，分別係西邊較矮較細既Kahalawai，同埋今集介紹既景點：東邊既Haleakala。 Haleakala，夏威夷文意思係 “太陽的家”，海拔高度超過一萬尺(三千米)，係夏威夷第三高，而且係唯一可以比旅客去到最高峰既火山。 顧名思義，Haleakala National Park 係觀賞日出日落既好地方。當日我地決定去睇日落，順便可以睇埋星空。由山腳到山頂大約30分鐘車程，得一條路上山唔難搵，但係多彎路，會易暈車浪。 揸得愈高會愈黎愈煙霧彌漫，原來係穿越緊雲層！到達山頂後，我地都比眼前既景色嚇親，一大片雲海就係腳下，大大個太陽就係面前！ 搵個靚位坐低，慢慢觀賞夏威夷獨特既火山日落。 點擊圖片放大 日落前我地仲發現有雙彩虹，影出黎有180度，其實唔止嫁！ 總括而言，又一個免費得黎又靚既大自然景色。好值得一去！
