其實好耐之前已經試過呢間店，可能都有５年吧～第一次食既時候已經覺得佢地食物水準好唔錯，不過始終唔係住呢區相對有啲遠，所以事隔多年到宜家先有機會再去～（不過其實唔難搵的，大家唔好被嚇親～哈哈） 無諗過隔左咁多年再去水準仍然保持到，甚至覺得好味過以前！呢度基本上所有主菜都可以加野飲同餐湯的，唔使一定限住食套餐～隊長B是十分喜歡佢地的設計! -------------------- 一開頭其實唔算太餓，所以淨係聽佢地店員推介叫左個Signature Pizza 「黑松露菌醬意式馬斯卡普芝士夾心比薩」同「虎蝦帆立貝天使麵」～同配左兩個餐湯，一個「青豆忌廉湯」同「法式鴨清湯」；兩杯野飲，一杯「白牛」，一杯「檸檬特飲」～ 點擊圖片放大 兩個湯OK啦～鴨湯都幾清有鴨碎嘅～不過杯「白牛」就十分甜♀️…不過重點始終係野食～所以同大家報導下先！ 唔講唔知，原來個PIZZA非同小可乃是拎過獎的～有三種食法，第一步係就咁食，食到好濃的芝士味同黑松露味，好鬆化，口感好似餡餅，一路咬芝士味充斥口腔，好好味；第二步點提子醋食，因為有醋香的加乘，突然變得很清新，不過會削減黑松露的濃香；最後一步就係加埋有機沙律菜在中間，再點提子醋食，呢個食法係最清香的，亦可以解滯，食到呢部突然覺得肚餓起來了！！ 點擊圖片放大 +2 「虎蝦帆立貝天使麵」用的是龍蝦汁，天使麵吸晒啲汁真係超級好味，而且好健康地落左好多配料，完全唔會油，帶子同大蝦都煎得好香，雖然大蝦有點小哈哈，不過味道真係好濃好正～ 其實禾都想減肥其實禾都想減肥其實禾都想減肥☠️（因為很重要所以要講3次！！）不過食完呢兩樣真係停唔到，仲想食…（心裏一直說服自己好難得先又黎呢度食到咁正既食物無理由束縛自己個胃架～）於是又叫左個「車仔自選意」 點擊圖片放大 講得做車仔同自選，緊係隨便配搭啦，本來隊長B就揀左「墨汁麵＋泰式青咖哩汁＋巴馬臣芝士＋煙鴨胸＋蟹肉＋菠菜＋日式溫泉蛋」，想挑戰一下自己的味蕾，不過餐廳無晒青咖哩汁，所以唯有轉做「忌廉香草汁」啦～ 無諗過亂黎的配搭主廚都可以做得那麼好～溫泉蛋好香好流心，同墨汁麵＋忌廉香草汁撈混之後係非常Match的～ 菠菜好綿密，蟹肉亦超級多，食到煙鴨胸隱隱的煙薰味同creamy的口感，頓時好想讚賞自己果然係個Fusion專家~~~（其實係餐廳廚師的功力太高先整到！）不過中意搞搞新意思的朋友仔絕對要去呢度～～嘗試下自己的藝術潛能哈哈 -------------------- 好味指數：8.5/10 翻啅指數：8.5/10 人均消費：201-400 服務態度：8.5/10 乾淨指數：8/10 ------------------------- 金船長餐廳 大角咀大全街55號3A ---------- #相機食先 #美食#食好西 #食物#hs隨食西餐 #hs大角咀#大角咀#西餐#hs中產遊 #意大利飯#咖啡#海鮮#hs搵食重點#foodporn#foodreview#hkigfood#foodiehk#hongkongfood#hkfood#foodhk#hkblog#hkfoodblog#risotto#cafe#latte#coffee#seafood ❤為食時代_Happyshare每分精彩❤ 相傳上天賜予人類三大神《器》— 視覺-見盡人間美好 聽覺-聽盡動人聲樂 味覺-嚐盡珍饈百味 「作為萬物之靈。小女子定當竭盡所能」 ❤️愛生活❤️愛健康❤️愛旅行❤️愛分享 ＊分享一切美食及生活瑣事＊ happyshare.moments@gmail.com 歡迎各類合作及交流~ (試用 / 出席活動) -- Follow Me Facebook / Instagram
