好耐無同媽咪食好西～終於趁住爸媽結婚周年做下孝順女揀左呢間旺角區韓燒老店—「東大門」大刷一餐～喺旺角就是方便，仲要勁近地鐵E2出口一出黎就到～唔使擔心搵唔到～ ----------------------- 樓下已經見到大大張poster寫晒價錢～全部任飲任食～ 一上到去就旁邊就係七彩繽紛嘅告白牆～超級靚靚的說～想告白或者許願嘅朋友就可以喺收銀嗰度買個情人鎖，寫好之後即刻掛上去～都幾有gimmick~ ----------------------- 因為媽咪實在太肚餓，所以坐定就即刻出去拎左啲唔使燒嘅嘢食住先～熟食種類都算ok~ 有各種韓式前菜、炸物、時令蔬菜同埋韓式湯品等～前菜來講，腌鳳爪、涼拌海帶同涼拌荳芽都幾好食～鳳爪夠爽夠酸辣～海帶同荳芽都夠爽脆入味～連三文魚刺身都係任拎而且幾新鮮同大片～ ----------------------- 講番呢餐嘅重點先～呢度唔似其他嗰啲韓燒，係要填紙叫食物嘅， 雖然睇唔到係咩樣，但就可以確保食物嘅新鮮～種類唔算太多，但大路嘢都有齊～ 先來按人頭計嘅海鮮拼盤，當中有大蝦、蒜蓉元貝同埋大蜆～蝦夠晒大隻同新鮮，燒完啲肉仲好爽口～元貝因為落咗蒜蓉，所以惹味十足～ 至於其他材料，小女子就好中意佢嘅牛肋骨、牛肉、金菇肥牛卷、多春魚、八爪魚同埋泰式系列牛肋骨腌得好入味，牛肉切得好薄但好滑，八爪魚成隻上睇住喺個鍋度翻轉好過癮，泰式系列夠晒香茅味～～仲有重點之中嘅重點，就係呢度嘅通風系統做得好好，燒緊都唔會覺得太大油煙，食完更加唔會一身油煙味（偷食都無人知） 點擊圖片放大 食完飽飽地，想食甜野嘅仲可以喺出邊拎多碗涼粉涼粉夠彈牙，加埋花奶無得輸～順帶一提，呢度嘅飲品櫃都幾多野揀，有可口可樂同韓式啤酒已經係一個亮點～同埋呢度嘅員工服務好好，可能中年店員比較多，會好前輩式地教導點燒，岩實我地呢啲亂黎嘅～實在值得一讚！ 好味指數：7/10 翻啅指數：7/10 人均消費：101-199 服務態度：7/10 乾淨指數：7/10 ----------------------------------------- 東大門韓國料理 旺角西洋菜南街友誠商業中心5樓 ---------------------- #hs韓國菜#韓國菜#韓燒#hs旺角 #旺角#食好西#美食#相機食先#食評#放題#foodporn#foodreview#hkigfood#foodiehk#hongkongfood#hkfood#foodhk#hkblog#hkfoodblog#hkfoodblogger#hongkong#hk#852food#852foodie#korean#buffet ❤為食時代_Happyshare每分精彩❤ 相傳上天賜予人類三大神《器》— 視覺-見盡人間美好 聽覺-聽盡動人聲樂 味覺-嚐盡珍饈百味 「作為萬物之靈。小女子定當竭盡所能」 ❤️愛生活❤️愛健康❤️愛旅行❤️愛分享 ＊分享一切美食及生活瑣事＊ happyshare.moments@gmail.com 歡迎各類合作及交流~ (試用 / 出席活動) Follow Me Facebook / Instagram
