如果話有一種菜式搵食兵團係食極都唔厭嘅,相信就係日本嘢喇呢間喺尖咀以鐵板燒同招牌卡通炒飯出名嘅秋田,就俾搵食兵團發現灣仔QRE plaza 都有分店~ ------------------------------ 灣仔呢間同尖咀唔同嘅係,呢邊主打鍋物同丼飯(聽聞遲啲有埋浜燒)貫徹秋田作風,燈籠、竹簾同清酒繼續係店內嘅裝潢~而且座位寬敞,每個卡位仲有布簾相隔,都幾有氣氛~ ------------------------------ 松葉蟹腳肉香蔥吞拿腩馬糞海膽丼($198) 看到是笑吟吟~因爲飯面滿佈都是松葉蟹肉~啖啖蟹肉真的很爽,吞拿魚腩加上鵪春蛋,除左令魚蓉更滑亦有陣陣蛋香雖然味道很淡但蹺妙在於保留吞拿魚~鮮松葉蟹腳經輕微火灸,更能突出蟹肉惹味~巧妙的圍著吞拿魚腩,賣相睇得出有心思~米飯用上日本珍珠米,醋份量適中均勻,口感微粘,作為丼飯係好唔錯嘅~ 甜蝦三文籽馬糞海膽松葉蟹柳丼($178) 冇認真研究張相,以為係平時食嘅蟹柳棒,所以黎到見到咁大隻嘅蟹鉗係有絕對surprise~馬糞海膽極為鮮味~份量唔少但貪心的在下總係期望得寸進尺,三文魚籽有淡淡的甜味同清酒味,好奇問起先知原來係因為師傅每日都用清酒同蒜蓉浸過夜,先有呢種出邊食唔到嘅美味~ ----------------------------------- 每個丼飯仲配有海鮮蒸蛋(雖然有啲老再加耐左食凍左,但仍無阻其海鮮鮮味)、漬物小食(有黃蘿蔔同淮山,淮山幾特別,加左芝麻更加突出淮山滋味)、季節沙律(用上柚子汁調味,十分開胃)、漁香味噌湯(經了解原來每日用來煲湯嘅魚類都唔一樣,係當日新鮮漁獲所以日日有發現架~不過今日呢碗就偏淡啦)、甜品(有雪糕或生果,全部都係時令或當期流行在下就好中意豆腐雪糕同埋甜到漏嘅赤肉蜜瓜)&餐飲~ ----------------------------------- 松竹梅白壁藏「澪」Mio 無叫到餐飲主要係因為開咗支酒~雖然佢係清酒,但始終因為係氣酒一種,所以酒精濃度只有5%,而且超級容易入口,甜味好夠,酒味淡,好岩配丼飯食~既可以暖胃亦好味到令人想一飲再飲,重點係濃度低唔會醉,岩晒第日要番工~ ----------------------------------- 除左兩個丼飯餐,搵食兵團咁為食,緊係仲試左其他小食啦 就係蟹膏豆腐啦~ 以為細細件無咩特別,點知都有估佢唔到嘅地方,就係好有蟹膏味同滑嫩,雖然現成貨師傅功夫位唔多,但有得食點都係抵讚嘅~~ ----------------------------------- 總括而言,呢個價錢係灣仔食到咁好味嘅丼飯~料多又新鮮,上菜快既主動,的確係抵嘅 ~下次試埋個火鍋先~