2020.2回港後，2022.9.7再踏上日本之旅，究竟日本有乜野唔同左呢？先從成田機場說起，由申請business visa開始到登機果一刻，每天都擔心最後究竟上唔上到機，因為太多突發既事情預計會發生。由對東京好熟練的旅遊經驗，到真正兩年半歸來，原來要逐步技能解鎖先得。香港機場好冷清，能夠歎早餐既餐廳得兩間，不過亦因為少人，所以過關都好順利！事前準備好裝mysos app, PCR test , 因回港需要打兩針、隔離酒店預約（後來到回港前政策變左 ，所以回港前真要好好上網再查程序）航機上數得到約20人的3個幾小時過得好快，到登上機起飛果一刻才真正的感受到窗外空中白雲的美麗，感覺活在當下的珍惜，但仍然擔心到成田機場後能否順利過關。 降落勒，一步一步懷著興奮的心情迎接23天的旅程。熟悉又陌生的日語廣播，意外地一切都好順利，而且人流不多，好快已經過了關，檢查程序都好簡單。曾經想過會感動到哭起來，但當一出到去成田機場大堂，就已經好開心，辛辛苦苦經歷了由申請到呢一刻真正黎到，覺得一切都值得。 竟然有寫繪馬既活動🤔來不及感動到落淚，竟然見到樓上有一間有好大個高達頭既shop, 又唔趕時間，加上回程會係關西機場果邊走，點都要上去逛下，gogogo!!! 上到樓上實在太夢幻勒，好多畫面番曬黎，而且間shop好大，當時簡直瘋了，好多野都好想買，最後都只係買左少少^_^所以大家去到機場，有時間都上去望下啦❤️😊係成田機場逗留左成粒鐘，然後歎左杯starbucks 新出既特飲，係好岩小編飲既口味，往後係東京都飲左兩次🥹😎 係懷念既味道呀！好感動（無喊）喎 😋因為今次住既酒店無機場巴士到，而且好近車站，所以最後決定坐skyliner京成電鐵，20分鐘就有一班。坐車前首先要入番錢係西瓜卡suica到，去到部機前，突然唔識點增值🤷🏻♀️，之後旅程仲有好多大頭蝦既野，記住訂閱@guguwong 既youtube channel和blog, 一定唔會令大家失望🎁😎 落到月台問完日本人後趕唔切上車，結果又要上番去換飛，改左自由席……一切重新出發😂下一篇好快會寫起呀！
