【真人真事改編】完成左課堂之後，離考試大約還有一個月，小白兔好認真去準備考試，每週自費練習！可惜學校已經開左十幾年，好多烘焙機器已經老化，小白兔練習時倍感吃力！學校規定每次只可以一個人練習，不准其他人陪！所以小白兔遇到困難時，只有之後問番其他同學。直到後來學校又肯放寬給其他同學一起練習…只因考試既同學表達不滿，再由獨角獸婆婆大發慈悲讓步！其實來來去去根本成間學校就係無系統，管理階層做事求求其其！鐘意點就點！當初小白兔慕名而黎，就係因為學校負責人個名夠響—和菓子黑博士，點知安排既老師素質咁差又無料！考試既日子越黎越近，小白兔亦開始掌握到七款和菓子既要求。到左考試既一日勒！小白兔本著『死就死啦』既心態好勇敢地報名第一個整和菓子…小白兔有點緊張，預備好了材料後，望一望烘焙機，心裡在說：「幫幫忙，靠妳了！」然後雙手合掌，對著黑博士（國際認可和菓子監考官）說：「我可以開始了！」 正式計時…小白兔突然發覺自己漏了一個步驟，無辦法…臨危不亂，繼續做落去…如是這…到左小白兔比較擔心既打奶油步驟，弊！！！打得唔係咁好，和菓子面層既奶油就快跌落黎勒…小白兔手都震埋將和菓子送到黑博士度：「請慢用！」小白兔唔理咁多啦！亦都唔知道仲有幾多時間剩番，但相信最後三分鐘，黑博士應該會提佢，所以放心繼續做埋其餘兩款和菓子！攪掂曬，放低最後一款和菓子後，小白兔望一望時鐘，差一分鐘就超時了，怎麼監考官沒有提自己時間呢？完成埋筆試後，小白兔就和其他同學一起等公佈成績。公佈成績的時間到了…黑博士說：「今天所有同學都合格！恭喜！」小白兔大叫一聲：「很高興呀！」放下心頭大石之餘，小白兔竟然還拿下了『Merit』既好成績！ 就係呢個時候，獨角獸婆婆出現了，手裡拿著幾份文件，對著合格的同學說：「你們可以選擇到學校附屬既山田屋實習，只要簽下同意書便可以了！」 小白兔還是很猶疑，因為同意書說明要在三個月內完成100小時實習，才可以有證書和實習津貼。但小白兔當時覺得如果能夠把握這個機會，就可以好好鍛煉自己和菓子既技術，而且證書比津貼更加重要，所以考慮了兩星期後，就決定去學校附屬既山田屋實習了！入世未深既小白兔又點會知道後來既實習竟然係惡夢既開始……（待續）更多吃喝玩樂資訊在這裡🇯🇵✈️🇭🇰👇https://www.facebook.com/jpwonggugu/https://www.facebook.com/happysharejp/https://www.youtube.com/channel/UCqaKqHdJVGOuoj5l6pz2jCwhttps://jpwonggugu.com.hk/
