原創真人真事改編（倒敘法）和菓子皇后：你以後都唔洗番學校實習勒，唔好問點解，我唔會回應！小白兔覺得事情發展得太突然勒…感覺被傷害大家唔明白既同時，我地一齊回帶… 從前有一隻小白兔，佢係大城市番左黎自己既小村落。有一日，佢既朋友仔同佢講，而家大家局住要留係度，不如我地番番學去學一門手藝啦！學成之後我地一齊番大城市開始我地既事業🥺小白兔覺得都好丫，反正而家都百無了賴咁，但學乜野手藝好呢？🤔平時小白兔最鐘意係網上面睇唔同既資訊，突然間俾佢發現左一間專門學校，呢間學校好似好出名，仲有唔同既媒體報道過，所以小白兔就決定同朋友仔去試下，雖然專門學校既學費收得比其他學校貴很多，但小白兔深信收得咁貴一定學到比其他學校學唔到既知識既！於是小白兔就滿心歡喜地去預備上學了！第一天上學，小白兔好期待著吸收新知識，眼見其他同學仔都好好呀！好專心上課😊，當中有愛美的花貓小姐、大灰熊哥哥、慈祥狗媽媽、精靈小猴子和沉默的羔羊。小白兔最喜歡吃，所以佢選擇左呢間整和菓子既學校！佢深信如果取得成為國際承認的和菓子師傅後，仲可以係學校實習並賺取少少津貼，為將來事業做好準備！入世未深的小白兔真係好天真，佢仲未知道佢已經慢慢步入一個令佢童話幻滅的世界裡面……上課了，原來老師係之前見過的大笨牛，小白兔當時心裡一沉…第一堂例牌要自我介紹，但小白兔一見到老師係大笨牛，已經無留意其他同學叫乜野名勒😕老師開著powerpoint, 嘩！d字好細隻，份筆記又印得好唔清楚，但同學仔都好好，還好積極問問題。大笨牛老師似乎好滿意同學仔咁踴躍發問🥰不過米住……當大笨牛老師面對精靈小猴子既發問後，開始好唔耐煩，因為老師似乎唔識點答🤷🏻♀️小白兔看在眼裡，雖然覺得大笨牛老師既態度好有問題，不過還有七節課堂，唯有試試好好相處啦！下課前，大笨牛老師預備了手沖和菓子俾同學試！由於小白兔從來未試過 ，所以覺得好新奇！真係好期待下一堂親手做手沖和菓子呀！（待續） 更多吃喝玩樂資訊在這裡🇯🇵✈️🇭🇰👇https://www.facebook.com/jpwonggugu/https://www.facebook.com/happysharejp/https://www.youtube.com/channel/UCqaKqHdJVGOuoj5l6pz2jCwhttps://jpwonggugu.com.hk/IG:jp_happyshare
