🍄🍄又黎到觀塘尋找來自食物的幸福！ 新店開了約兩個月，位於工廈裡面。 通常🍄🍄會避過左lunch繁忙時間，大約下午茶既時間就會比較少人。 因為限聚令和晚市堂食無左，所以🍄🍄一定要4點前黎到，否則廚房收爐，就只可以食蛋糕等輕食。 🍄🍄去左兩次，因為覺得餐牌上的食物都好吸引，但一個人吃不了那麼多;所以選擇時真有點困難，樣樣都想試。 Lunch set 係主菜+湯或沙律、飲品免費的有限制邊幾種，若然想飲其他，要加$12。 呢兩次🍄🍄試左1. 香煎北海道帶子紫薯意大利飯2. 飛驒和牛漢堡伴炸甜薯薯條 3. Coffee- Piccolo Latte 和American White 4. 甜品- Keto 巴斯克焦香芝士蛋糕（伯爵茶味） 後來上網查番Keto（生酮）係而家幾流行既一種飲食方法。主張高脂肪低碳的減肥餐。 🍄🍄唔係乜野食家，只是一個吃貨，所以都係以一個吃貨黎周圍搵野食。 講番d食物先，🍄🍄覺得水準幾好，以百幾蚊黎講，性價比都合理！ 一次試左南瓜湯，另一次試左粟米湯，湯上面放左一片麵包仔，🍄🍄比較喜歡南瓜湯，好滑夠濃厚。 北海道帶子紫薯意大利飯，淨係賣相已經一流！帶子煎得好香口，還有些菌、秋葵等配料。意大利飯係帶點濕口，紫薯味唔會太突出，整體上都好好食，因為🍄🍄都食曬，一粒都無剩 🤣 點擊圖片放大 +2 飛驒和牛漢堡，🍄🍄係好期待！🍄🍄怕和牛太生，但服務員又無問🍄🍄要幾成熟，所以🍄🍄就信大廚的功夫了！ 上菜了，切開和牛時感覺有點生，但沒有血水流出來喎。其實不嬲覺得食漢堡有點困難，開張口感覺係無可能成個吞得落，但覺得切開食又唔夠過癮🤔所以都係決定咬一口先。 不得了！！！個包好脆口又鬆軟，食落又真係唔覺生,和牛好鬆化像融化了😋😋😋和牛係有調過味的，但唔均勻，有些部份醎了一點點，不過都真心好食，食既時候會有汁流出黎，所以女生們要注意儀態呀！ 配菜方面，用左日本醋汁的野菜，🍄🍄真心覺得太酸，受不了😅 可是甜薯做的薯條又很好吃，可能🍄🍄本身好鐘意食甜薯，炸得好脆裡面又甜甜的，這些就是食物帶來的幸福感！ 點擊圖片放大 +5 咖啡給🍄🍄的感覺就是比較苦😅個人就比較喜歡latte的味道。 點擊圖片放大 甜品的伯爵茶味道蛋糕也很好吃，味道是比較特別，而且不偏甜，很鬆軟的一種。 環境方面🍄🍄覺得也蠻不錯。特別是在中間位置有張大梳化，可容納坐4-6人；另外還有室外座位，雖然座位唔多，但我想和你吹吹風都唔錯！ 店裡的擺設都有點風格，放了不少擺設，立即提升了在工廈裡的品味！ 最後可以逛逛賣商品的角落，主要是賣日本製的商品、食材等。 點擊圖片放大 +9 Relish (觀塘) 觀塘鴻圖道63-65號鴻運工業大廈5樓B號舖 https://www.facebook.com/happysharejp/ https://www.facebook.com/jpwonggugu/ https://www.youtube.com/channel/UCqaKqHdJVGOuoj5l6pz2jCw https://jpwonggugu.com.hk/
