【Sugar Lava-日本口感的梳乎厘Pancake專門甜品店】 新開只有三個月的Sugar Lava,小編一直好想試,一來鐘情日本的pancake,二來雖然香港都有幾間做梳乎厘pancake的小店,但要找有日本味道口感、堅持用日本食材的小店是很少的。 點擊圖片放大 小編和店主邊食邊聊,了解到店主和師傅都是在日本學藝,將日本人製作認真和堅持用料的精神發揮出來。 甜品店堅持選用來自日本高級雞蛋、麵粉、北海道特選3.6牛乳等等,成本相對貴左,但為左保持質數,店主還是堅守這份信念!小編好欣賞!抹茶味及紫薯味pancake均來自日本抹茶粉和即磨紫薯,堅持全天然食材,無加化學物質或膨脹劑;打漿、製作時的力度和技巧,時間的掌握,都影響到梳乎厘是否有空氣感和脹卜卜,因為爐的溫度,焗的時間長短都會因應天氣溫度、濕度有所調節,無十足誠意好難做得好! 點擊圖片放大 +3 店內日式梳乎厘pancake有五種口味: 原味($48),紫薯、抹茶、朱古力、竹炭芝麻(均$58),一客兩件! 還可以自配醬料(一款)如、士多啤梨醬、楓糖漿、朱古力醬、忌廉和蜜糖;亦可加錢追加Toppings:如雜果、杏仁粒、OREO碎、朱古力粒等。 小編今次試左四款口味:原味- 蛋味十足,紫薯味- 口感如食緊紫薯一樣,好香!朱古力味- 不算太濃厚的朱古力味,味道不會太甜!抹茶味- 老實說不嬲唔好抹茶,因為覺得味道苦,但真純正的抹茶係一d都唔會苦,呢個抹茶味pancake 完全接受得到,而且覺得好好味!整體上梳乎厘pancake鬆軟有彈性,各款味道各有特色! 點擊圖片放大 +4 梳乎厘pancake即叫即焗,但由於甜品店面積不大,只有一張木枱企位,所以大部份的顧客多數外賣拎走,但因為外賣時間一耐就會令到梳乎厘變『塌』,所以店主建議顧客在15分鐘內享用,先可享受最佳口味! 除左梳乎厘pancake外,可以一試限定的櫻花香桃啫喱($18),味道好清新!選自日本八重櫻(食用鹽漬櫻花),醎醎的好得意!暫時做到月尾,想試就要快手! 另外香杧布甸($15)都不錯,杧果好甜,布甸好柔滑! 飲品方面,菇菇覺得個生果茶(凍)好正!選用錫蘭紅茶,時令新鮮生果,今天是西柚、橙、火龍果和檸檬,味道清甜! 店舖資料: 觀塘開源道63號A10號鋪(巧明街匯豐銀行對面) 觀塘站B2出口行3分鐘 電話:5620 6480 星期一至日 12:30nn-8:00pm 喜歡這篇文章的,可即「LIKE」FACEBOOK FAN PAGE 東瀛吃買玩開心SHARE facebook專頁 WONGGUGU YOUTUBE CHANNEL(NEW) PLEASE CLICK BELOW https://m.youtube.com/playlist?list=PLROwgUq8DE_W-Rrc0243m0OI-M8clNV9e 想了解多些日本最新和旅遊資訊,可click以下連結: http://happysharejp.hk https://www.facebook.com/happysharejp/ https://www.facebook.com/jpwonggugu/ https://blog.ulifestyle.com.hk/blogger/happysharejp/ http://happysharejp.pixnet.net/blog 聯絡電郵: happysharejp@gmail.com https://m.youtube.com/playlist?list=PLROwgUq8DE_W-Rrc0243m0OI-M8clNV9e