朋友介紹下便訂了25號一晚，聖誕假沒有加價，我在Ctrip訂高級大床房連稅都是HK$552 (不包早餐)。 這個酒店的特色是在酒店旁有一個遊樂場，酒店住客可免費入場，每個遊戲費每人由人民幣7至25元不等。我們埋單計數用了約300元玩遊戲，再加埋食野、酒店、車費等，一家三口兩日消費港幣千多元，也很經濟啊！ 自由行也不想太辛苦，所以我們都是約8-9點起床，在家吃個簡單早餐便出發，在羅湖乘地鐵到老街站轉乘50多元的士，約中午到酒店。(如在木棉灣站轉車，車費約30多元) 酒店大堂棵聖誕樹好靚呀！ 我們訂的是高級大床房，空間夠晒，真的不錯啊！ 超級大床，夠三個人瞓！haha ! 有獨立飲用水水喉，真是方便！ 點擊圖片放大 +2 一入到房，梗係要diffuse Thieves + Purification淨化下空氣先！ 景觀便是樂園了！真是超近！ Check in 後，因不是太餓，帶了些乾糧在房吃完便去玩了。 最初不清楚住戶免入場費，故我們也買了3張門票 (5元/張)，幸好呢15元都可玩遊戲扣回。 個遊樂場都幾多野玩咖！ 這個價目表後期發現是不準確的，有些收費已有調整。 可買icu卡充值，方便好多，用唔晒d錢可以退番比你。 呢個火車繞場一周，個坐位仲可以360度轉，都幾好玩！ 呢個遊戲在香港玩過，好好玩。所以今次亦主動想玩，不過就得一個人轉，所以轉左10分鐘，攰到佢呢！ 這個不只水上單車，還可射擊的。好玩呀！ 海洋公園都玩過，呢度玩心理上較驚險！ 玩到4點左右，便回房休息一會，6點出去搵飯食。 在附近約10-15分鐘路程，找到一間上海食肆<永盛豆漿王>，都幾啱食。食完仲在隔離的商場行了一會，仲買左套衫添。 點擊圖片放大 +5 第二天 因我們沒有連早餐訂房，本來加多幾十就有自助早餐，但朋友話款式不多，在中菜餐食較化算，所以冇買。但女兒郤對自助餐呢個名情有獨鐘，仲有佢至愛的粟米片，中菜廰都未睇就決定食自助餐了。68元一個大人，小童冇收錢咖！ 真是款式不多，大部份都是中餐，蒸包類，湯麵等熱食。早餐收10點，我們去到已9點多，故食得有點急。 點擊圖片放大 +4 吃完早餐，繼續在樂園玩之前未玩的野，仲有去樂園附近的公園走走，原來有個仿長城，都幾似喎！ 點擊圖片放大 +3 有剷泥機玩，第一次見。 FB Page: 幸福媽媽手記 Blogger: Suey媽媽幸福手記 UlifeStyle Ublog: 幸福媽媽手記
