話說，小妹係貴人出門招風雨，出親遠門十次有七八次都會遇著當地落雨，或者有其他事情令到個旅程唔夠完美嗰咋人嚟！ 上年趁住復活節，去咗曼谷玩咗五日四夜，左度又右度，計準哂自己嘅Period再決定出發日期，諗住完咗Period一兩個禮拜出發實無死啦，點知就喺上機一刻，去個Toilet發現有啲唔對路，點解會有少少嘅（少少咩，畫公仔唔洗畫出腸哈哈），嗰陣淨係諗「無理由架！唔會嘅！嚇我唔到！」，換塊護墊拿拿臨上機。 但落機去酒店嗰下，我輸了，我怕了，姨姨真係嚟咗啊！Check in前經過FamilyMart，都買咗包日用頂住先，皆因小妹低估咗姨姨嘅份量，諗住中間嚟少少姐，日用夠做嘅！當然，我咁樣講得當然係小妹自作聰明咁又估錯了～姨姨嘅份量大隻過哥斯拉，我嚇親，真心嚇親，人地去Big C掃零食掃藥膏，我去Big C掃夜用掃棉條，成個旅程都比姨姨搞亂哂。 喺呢五日四夜入面，小妹個妹（亦即係小妹妹啦）都去咗首爾玩，而小妹比佢早一日返到嚟香港，諗住拎定一包價值 39 baht（十蚊港紙都唔洗，好抵！）曼谷版特長夜用 40 cm 比小妹妹做下手信。點知第二日小妹妹返到嚟，拎咗包有中藥成份嘅日用比小妹，原來佢同喺朋友喺首爾都發生類似事件 lol ，都唔知點解大家都真係乜咁啱，而曼谷版特長夜用40cm， 同首爾版中藥成份日用，做咗交流生，各自交流到唔同嘅主人度。 By the way，曼谷版特長夜用40cm真係好正！首爾中藥成份日用都唔差嘅！ Http://Facebook.com/happy.life.style.2016
