到我呢個傳說中嘅輕熟女嘅年紀，精彩嘅可以好精彩，但悶嘅又真係好 悶！小妹唔係喜愛夜蒲嘅朋友，性格係__無極限嗰隻，好聽啲就叫純，唔好聽咪傻下傻下。物以類聚，人以群分，小妹係咩人，身邊嘅...都係呢一類人，一班無極限嘅人聚埋一齊，只會有無極限嘅生活，雖然無得夜夜笙歌，但我又開心喎哈哈！ 話說前年喺悶到HiHi又無得出走旅行嘅情況下，無意中發現一個專係random同異地人士玩寄Postcard嘅網站。唔知大家鐘唔鐘意收到朋友手寫嘅信/Postcard，小妹就好鐘意啦，每次收到都覺得別有一番風味，所以呢，小妹就登記咗頭先講話玩寄Postcard嘅網站，寫下比人又開心，自己收到更開心！ 唔經唔覺，原來都差唔多玩咗兩年，呢兩年印象中寄得最多嘅係俄羅斯，跟住就係美國，亞洲地方都有嘅，日本、台灣、中國，啱啱就寄咗七張出去，分別係： 俄羅斯姐姐仲要2/5生日，希望趕得切喺佢生日前寄到比佢啦 =P （雖然我都知無乜可能），講到呢到，都唔知大家有無興趣同閒情玩啲咁嘅嘢哈哈。 有興趣就去：Postcrossing.com 申請個帳號嚟玩下啦，免費架！（ 搞到好似同Postcrossing賣廣告咁，我真心分享 Happy sharing 架 -_- ）
