琴日第一次去咗啟德體育園睇演唱會，真係被呢個全新地標震撼到！諗起以前啟德機場，而家已經華麗轉身成為國際級大型盛事場地！啟德體育園佔地28公頃，耗資319億港元打造，唔單止係追星聖地，仲帶動咗成個啟德區嘅發展，真係唔簡單！啟德體育園：香港新娛樂地標園區主要設施包括：啟德主場館 - 5萬座位嘅頂級場館，配備開合式天幕同可移動草皮，Coldplay、周杰倫等國際巨星都喺度開show！啟德體藝館 - 1萬座位嘅室內場館，無柱式設計確保視野零阻擋，適合籃球、羽毛球等賽事。啟德青年運動場 - 5千座位嘅室外場地，平日免費開放俾公眾使用，好適合跑步同做運動！啟德零售館 - 近70萬平方呎嘅「運動遊樂」概念空間，超過200間商店同餐廳，仲有全港最大室內遊樂場Epicland同日本海外首間JOYPOLIS SPORTS旗艦店。演唱會座位點揀好？啟德主場館有兩種舞台模式：三面台 - 舞台設於一側，觀眾席圍繞三面（Coldplay、周杰倫等都係用呢種）四面台 - 舞台位於中央，觀眾可以360度睇show一般三面台會開放約35,000個座位，視野最好嘅當然係正對舞台嘅區域啦！買飛前記得睇清楚座位圖～ 交通攻略：點去最方便？我琴日去睇演唱就搭港鐵去，真係最方便，啟德站D出口／宋皇臺站D出口，行約10分鐘就到。啟德體育園附近有三個主要巴士站：九龍城轉車站（街坊又叫佢做富豪東方酒店站或者宋皇臺公園站）亞皆老街球場站九龍城碼頭巴士總站有成60條巴士線經過，真係四通八達！當體育園搞大show嘅時候，宋皇臺道仲會開特別巴士專線疏導人潮，唔使驚散場迫爆。仲有啊，嗰度仲有的士站，call車都方便啲！入場/離場小貼士輕裝上陣 - 需要安檢，避免帶違禁品提早到場 - 預留時間排隊入場，仲可以周圍打卡食飽先入場 - 演唱會前周邊餐廳已經人頭湧湧散場前，提前查吓「離場易」平台， 警方提供實時人流資訊、港鐵班次及特別巴士路線，幫手擇出最佳離場路線啟德新時代來臨！睇完演唱會行出嚟，見到啟德而家真係旺到不得了！附近嘅SOGO同AIRSIDE人頭湧湧，帶動周邊樓市都水漲船高，最近有朋友都考慮緊龍譽、天寰呢啲新樓盤。 由昔日機場到今日嘅國際盛事熱點，啟德體育園真係令香港娛樂同體育產業提升到新層次！仲未嚟過嘅朋友，下次有演唱會記住預早買飛，順便探索下啟德呢個潛力無限嘅新社區啦！
