自從生左亞女亞仔之後，除左照顧佢地之外，又要陪佢地玩，又要陪佢地讀書溫習，成日四圍滕，生活真係非常忙碌，我覺得自己喺度慢慢，慢慢咁凋謝，個樣成日冇黎精神，都唔知點搞好@_@ 近兩年我從網上睇到 Hifu 呢個新嘅醫學美容項目，話可以免開刀做到拉提效果，令皮膚自己製造骨膠原，臉部皮膚回復緊緻，又能改善其他臉部問題 (詳情唔多講喇，可參考網上好多關於 Hifu 嘅資訊），我當然趨之若鶩，立刻心心眼啦！ 但睇多d 資訊就知道第一，二代嘅 Hifu, 除左價錢好貴之外，療程時嘅痛楚都唔係人人忍受得到，因為部儀器唔可以調較能量，一落筋膜層已經係非常高溫，唔痛就奇。。。我係個超怕痛嘅人，我梗係唔會考慮要做啦，想死咩！！ 到最近大半年，Hifu 已經發展到第三代，即是儀器嘅能量可以調較，唔洗一下子用最高能量打落去，所以療程時唔會有痛楚嘅感覺。本來平靜嘅心，又開始郁吓郁吓，好想試吓。我喺Facebook 見到大量美容院嘅Hifu 療程試做推廣，好多都好似幾抵做，但，當我打電話去問多d 詳情，就知道其實果d 試做價只係包好少線數 (全臉做起碼要300~400 幾線），而且，當你要再做的話，個價錢係遠遠超出試做價好幾倍，動輒都要 $6,000-$10,000或以上一次，一個療程3次，閒閒地收$20,000-40,000 不等。。雖然我係好想做，但我實在好怕瞓左喺張床上面 ，比d 美容院 hard sell 兼宰割 ，以我嘅性格實逃唔出佢地嘅五指山 >_< 所以，都係算罷啦。。。 直至今年農曆新年前，我遇返我失散左十幾年嘅舊同學，之後約食飯果陣傾吓傾吓，發現佢原來做緊醫學美容！！！OMG， 幾個女同學即時興奮到爆炸，即刻話要去體驗吓呢個 Hifu 技術有幾厲害！ 先介紹吓我位同學，佢由中學畢業時已經不停咁試唔同嘅美容療程，但佢遇到好多都係無良嘅美容院，收費好貴唔在講，療程又冇乜效果，有次去左個名 blogger 介紹嘅什麼彩光之父嘅醫生果度買療程，比左成6,7萬，但做左三次療程之後，上去做第四次果日，見到間舖竟然貼左張通知喺門口，話因為爆水管，所以搬走左，但之後就冇人再聯絡返我朋友跟進佢，間舖就係咁樣，突然間消失左！！！ 佢就係有太多太多不快嘅美容經歷，所以索性自己走去做呢行，自己可以搞靚自己，做間良心小店，幫助想扮靚嘅人。 我朋友舖頭冇做廣告，亦冇做d 特別宣傳，一直都係做熟客同朋友介紹嘅新客人。其實大家都知道，出面d 大型美容院，店舖大，裝修又豪，仲要搵明星做代言人，呢d 費用咪又係轉嫁喺消費者身上！ 我朋友舖頭冇呢d expenses, 所以佢嘅 Hifu 療程收費真係好抵做。佢會了解客人本身皮膚嘅問題同需要而作出建議，如果傾完覺得自己都係唔適合做 Hifu 療程，可以隨時走人，絕對唔會 hard sell ，唔洗擔心比人音波功騷擾，更加唔會被劏到一頸血啦！ 我朋友間舖頭叫 Dew Hifu Outlet，喺觀塘駱駝漆大廈 抵做還抵做，但都要有效果先得架。下圖中左面張相係2016年10月影，當時我未做 Hifu, 右面張相係3月影，做左兩次療程。我之前一直以為自己塊面都唔算好鬆，做完療程之後先驚覺其實唔係囉 @_@ 原來個蘋果肌可以提升咁多，個下巴又尖左咁多！！！ 真係好開心呀！！ 除左臉部提升左，我覺得毛孔都緊緻左，皮膚亦比之前白淨左 (撒花~~) 我唔係專業 blogger，唔係靠寫 blog 搵錢，只係我覺得朋友真係幫到我解決近幾年黎皮膚慢慢不復青春嘅問題，而我亦介紹左好幾位好朋友去 Dew Hifu Outlet 做療程，個個效果都好理想。我朋友都冇乜時間做宣傳，所以我先第一次'下海'寫 blog，寫返我嘅感受，希望有需要 Hifu 嘅人可以受惠。 遲d 我會再介紹多d Dew Hifu Outlet 嘅資料，若你地有興趣了解更多，歡迎留言比我，如果係我介紹嘅客人，我朋友會 offer discount 比大家架 ^_^
