最近用緊一款新奇嘅產品，小妹收到試用邀請嗰刻充滿期待！ 佢就係VIIcode嘅VII夜間氧眼貼O2M Oxygen Eye Mask for All Night Repair (HK$528/1盒6對)。 VIIcode相信係大部份人比較陌生嘅品牌。睇返官網嘅品牌故事先知佢起源於18世紀末：猶太裔醫學家伯恩·維克特為治療自己嘅先天性皮膚頑疾，研製出一種令皮膚重生嘅神秘配方。連當時嘅奧地利皇后用咗伯恩訂製嘅護膚品之後居然睇落仲後生過自己個女！ 佢喺2012年9月先正式進入中國市場，香港暫時未有門市，但大家可以喺官方網店選購VIIcode嘅產品。 VII夜間氧眼貼同一般eye mask好唔同，係一款可以敷過夜嘅sheet mask！究竟點可以貼喺皮膚成晚唔移位呢？ 小妹嘅眼部肌膚算係面上最健康嘅部分，除咗眼肚缺水，好多美容姐姐都話小妹無乜眼袋同黑眼圈。比較令小妹困擾嘅係右眼有條明顯嘅眼紋，眼圈亦比左眼深，左右眼對比之下非常礙眼。另外係鼻樑嘅眼鏡印，凹陷之餘仲特別深色。 每包有2塊眼膜，面層係唔知棉布定纖維布。 底層係呈網紋嘅凝膠，裡面蘊含活氧植物萃取精華(EOPE)，通過刺激線粒體DNA嘅細胞信息記憶素(cimc)嚟提供細胞所需氧氣同能量，從而修復眼部肌膚彈性。 凝膠嗰面有層透明膠保護，用嗰陣要先撕走。 凝膠黏黏哋，掂完唔會整濕手，質感同清潔鍵盤嘅「鬼口水」相似。 估唔到貼上皮膚又幾穩陣喎，完全唔會移位。感覺涼涼哋，仲有一陣清淡怡人嘅香氣——小妹認唔出係咩味，但聞落幾relaxing。 布面向外，令眼膜表面保持乾爽唔黐塵。如果唔想即刻瞓覺，仲可以戴住眼鏡繼續做其他嘢。 眼膜差唔多有1mm厚，貼得太靠近睫毛根部有啲頂住頂住嘅感覺。加上小妹係非一般咁反瞓，到咗第朝早，發現眼膜由眼肚轉移咗去床單 XDDD。（之後嗰次，小妹將眼膜黐返落少少，就無再飛走喇。） 過咗一晚之後，凝膠狀精華被皮膚吸收得七七八八，眼膜薄咗成半。 雖然無敷足8個鐘，但效果都好明顯。一起身照鏡就見到鼻樑眼鏡印淺色咗；影相對比之下，成個眼肚嘅膚色均勻咗，紫紅色嘅眼圈得以淡化。 品牌No.1人氣產品果然名不虛傳！總括嚟講，佢嘅效用絕對對得起咁貴價錢，有嚴重黑眼圈同眼袋問題嘅朋友好值得試下佢。 如果怕唔習慣敷過夜，不妨同朋友夾錢買一盒睇下效果如何。 VIIcode 官方網店： https://www.viicode.com.hk/index.php VIIcode Facebook專頁： https://m.facebook.com/viicodehk/ ＊＊＊ 產品和資料由品牌提供 ＊＊＊ cafchiu@gmail.com https://www.instagram.com/happychiu/
