因為Spring Mask 春季面膜(HK$1650/100ml；HK$910/50ml；HK$300/15ml旅行裝)，小妹愛上了咗茶靈呢個品牌。 最近，喺Facebook見到茶靈新出咗Summer Mask 夏季面膜(HK$990/100ml；HK$600/50ml；HK$195/15ml旅行裝)，仲有免費Beau-Tea Master Class畀大家去體驗。可惜小妹以前已經join過，無得再報名了。 佢係一款水油平衡修護面膜，聽落幾適合小妹用。而家屋企用緊嗰款保濕gel mask普普通通。 上星期，小妹去咗位於銅鑼灣希慎廣場嘅茶靈專門店——小妹首次光顧嘅茶靈分店，希望見識下呢款新面膜。 BA哥哥仲認得小妹呢位小fans！佢幫小妹試咗上手之後，再斟咗5ml畀小妹拎返屋企試上面(^з^)。 同Spring Mask相比，Summer Mask質地更輕盈，帶半透明青綠色。兩者味道係一樣嘅——茶靈所有skincare都帶有同一隻香味㗎，唔完全係普洱茶味，但聞落好天然、好relaxing。 面膜係啫喱狀，搽上面感覺比Spring Mask更冰涼，舒服好多。佢無Spring Mask嘅消炎作用，接觸皮膚後唔會造成熱熱哋、吉吉哋嘅感覺，但BA哥哥話可以殺菌。 佢無Spring Mask咁creamy，用1分鐘就完全沖洗乾淨。即時降紅效果都好明顯，對暗瘡幫助就無Spring Mask咁大——面頰其實無暗瘡，只係長期泛紅，下巴就有好多粒——原來係食太多生冷嘢所致T^T。 緊接搽嘅護膚品仲忽然吸收得快咗！ 作為即時紓緩一流，第二朝瞓醒又紅。 5ml夠小妹用2次，2次效果都差唔多。 咁即係燒唔燒到小妹呢？ 用完屋企樽保濕gel mask，係想買Summer Mask的。 老實講，小妹容易鼻敏感，夜晚從來唔開冷氣瞓覺，經過一晚出汗、皮膚同枕頭摩擦，就好似出半日街咁，唔出油、唔面紅都好難。 真的，當小妹逗留喺室內冷氣地方，皮膚狀態會正常好多。 究竟夏天容易滿面油光係咪同天時暑熱出汗多有關呢⋯⋯？ 對小妹而言，即時紓緩降紅係最重要的。好多牌子嘅保濕gel mask都畀唔到小妹呢個咁舒服嘅感覺。 CHA LING 茶靈 官方網頁： https://www.cha-ling.com/hk_cn/ CHA LING 茶靈 Facebook專頁： https://www.facebook.com/CHALINGlespritduthe/ CHA LING 茶靈 Instagram： https://www.instagram.com/chaling.teacosmetics.hk 香港專門店 : 九龍海港城港威商場三階3306A號舖 電話 : 852 3101 0708 銅鑼灣希慎廣場二樓206號舖 電話 : 852 3126 9981 金鐘太古廣場 L2 101A 號鋪 電話 : 852 2155 9278 Beauty Lounge 隱舍 : 九龍海港城世界商業中心1015號室 ＊＊＊ 呢篇唔係邀稿
