最近億豐行寄嚟嘅試用品除咗櫻之戀 蘆薈絲瓜淨白肌能面膜(HK$65/8片)，仲有御泥坊 潔淨控油礦物泥漿面膜(HK$65/110ml)。 小妹好耐無用clay mask啦，因為有唔愉快嘅經歷。以往用親嘅都好硬，以為會黐到啲黑頭粉刺出嚟，結果根本大舊連毛孔位都入唔到(ｰｰ;)。當啲clay變乾，扯住皮膚，就會好驚郁少少就出皺紋(｡ ́︿ ̀｡)。 「超微細礦物泥」啵，應該敷上面會舒服啲嘅。 樽上面只有expiry date，成份、用法等資料都印哂喺包裝膠盒，記住唔好手快快丟咗佢呀。 附送一個刮刮，佢用撩啲mask出嚟，夠哂衛生。不過放唔到入樽，都幾唔方便。 卡其色蓋入面仲有一層透明蓋，成個樽反轉都唔會甩出嚟。 小妹皮膚比較脆弱，先試手會穩陣啲。用眼線液畫上幾筆嚟測試清潔力，比較容易睇到效果。 敷咗大概15分鐘，由於當時攤喺床玩緊手機，唔小心hi咗啲mask落公仔件衫(T ^ T)。唔怪得要敷1.5mm厚啦，薄嘅位快乾，會明顯變硬。 用乾嘅化妝棉一抹，面頭嗰層仲係幾軟，底層有啜手嘅感覺。 過埋水乾淨哂！當然唔好用佢嚟卸妝啦。 試上面先。為咗令面膜唔好乾得咁快，小妹盡量每個位置都敷足1.5mm厚。 15分鐘後，只有人中呢啲薄敷位變乾同裂開，其餘都維持喺軟綿綿嘅狀態。 為咗避免拉扯到皮膚，小妹會加啲水上面，重新軟化乾咗嘅面膜，然後再洗走佢哋。 塊面咁大，唔想嘥咁多化妝棉，索性用手洗吧。洗咗5分鐘都未洗完，clay mask真係好麻煩T^T，可能沖涼敷、用花灑水兜頭淋會快好多orz。 終於洗完！First impression係完全唔繃緊！都會feel到乾，但感覺同洗完面差唔多，程度輕微。 小妹本身黑頭唔算多，但近睇都見到有啲細位乾淨咗。至少唔會敷同唔敷都無分別。（Sorry原來無影到同一個方向⋯⋯） 呢排下巴爆勁多瘡，可能因為夜瞓(-｡-;。敷完之後，最大嗰粒瘡嘅膿頭出咗一半，小妹手多多清咗佢，又無流血喎。 御泥坊算係比較新嘅品牌，而且價位低，之前從來無諗過入手，估唔到一分錢都唔止一分貨。 不過老實講，小妹真係好懶洗泥mask，所以剩返嗰啲會毫無保留咁送畀媽咪用 XD。 Unifon御泥坊 香港 Facebook專頁： https://www.facebook.com/unifonhk/ Unifon御泥坊面膜 銷售點： 屈臣氏、萬寧、莎莎、Colourmix、Morimor、Angel、千色Citistore ＊＊＊ 產品和資料由億豐行提供
