而家啲紙mask成日話有螢光劑、乜添加劑、物添加劑，搞到小妹唔敢再隨便買。台灣面膜相對比韓國面膜安全，小妹尤其鍾情森田藥粧同我的美麗日記，因為口碑較好、款式選擇繁多、價錢實惠，後者仲成日出精美set裝！雖然而家主要用cream mask、gel mask，但屋企都會keep住放啲paper mask，好攰或者需要早上急救嘅時候就會用。 最近收到億豐行邀請，試用台灣品牌櫻之戀嘅新款面膜，小妹揀咗蘆薈絲瓜淨白肌能面膜(HK$65/8片)，因為蘆薈有效消炎舒緩，適合小妹嘅暗瘡皮膚。 之前成日喺屈臣氏見到五顏六色嘅櫻之戀面膜，但始終未用過。唔知「醫學美容」、「日本專研」係咪名副其實呢？ 成份自己看吧。 今批新面膜全部用咗「升級天使膜布」，哈哈哈，都唔知係乜。 原來係一種超薄面膜紙，真係未用過咁薄。攤開手掌，將面膜紙攤平，仍然清楚凸顯到手指形狀。精華量多，但唔會滴落嚟。隱約見到有啲網紋。 好貼面，點郁都好，啲鬼祟位例如下巴、腮邊都唔會浮起。尤其喜歡嘴角位嘅剪裁，可以照顧到嘴邊同人中位置嘅皮膚。 缺點係雙眼之間距離太窄，唔可以完全覆蓋鼻樑，塊面肥啲都幾難敷⋯⋯ 袋入面仲有咁多精華，小妹會搽埋上張面膜紙。 包裝上面寫住「8分鐘速效補水」，原來過咗8分鐘，就會即刻feel到面膜嘅變化。精華啱啱好用8分鐘吸收哂，睇啲邊邊位，好明顯見到張面膜紙乾咗。 張紙真係乾哂！啲網紋現哂出嚟好清晰。 即時分別唔算好大，但至少make sure啲精華真係畀皮膚吸收哂！ 做多個實驗先。 小妹喺《暗瘡肌日常妝容》一文提到過眉心皮膚好乾，容易卡粉。 而家敷完面膜1個鐘，小妹準備出街同朋友食dinner，一於化少少妝先。 用返同一款bareMinerals無保濕成份嘅powder foundation，果然無再卡粉。急救保濕功效過關！ 睇嚟又多一款paper mask可以加入小妹嘅white list啦。 請原諒，最後一張相好想開美肌mode XD。 戀之系列 Love Skincare Facebook專頁： https://www.facebook.com/skincareoflove/ 櫻之戀面膜 銷售點： 全線屈臣氏獨家發售 ＊＊＊ 產品和資料由億豐行提供
