最近終於收到skincare試用邀請，好興奮！小妹好希望成為一位有公信力、有說服力嘅blogger，唔願意下下為咗免費禮品就一味讚好。因此，會仔細過濾邀請，挑選適合自己的product來試用。 今次係由Vegan Concept Store邀請小妹試用美國天然有機護膚品牌Timeless Organics嘅保濕潔面產品，洗淨污垢之餘，更為肌膚注入養份、水份，特別適合乾燥敏感皮膚。 Timeless Organics重視環境生態，除咗產品成份天然，更拒絕使用動物測試，連包裝材料都係100%可再造。佢哋嘅護膚品連孕婦同問題皮膚都可以放心使用。 啡色label嘅pattern好似再造紙，好配合品牌定位；上面印咗「零殘忍 Cruelty-free」嘅logo，同埋產品有效日期。 以往小妹非常懶，連防曬都費事搽。後來發現紫外線會加深暗瘡印，就算懶得化妝都要堅持搽防曬。防曬霜都算係化妝品，所以卸妝係每日護膚嘅第一步。 先嚟試用Timeless Makeup Remover & Nourisher 滋養修護卸妝水(HK$188/118ml)。 成份：淨化水、蘆薈葉汁*、北美金縷梅精華*、荷荷巴油*、玫瑰花水*、檸檬酸、葡萄柚籽精華* *有機認證 味道好淡，唔太聞得出係咩味，只覺得酸酸哋好清新。質地十分清爽，色澤清澈，話係化妝水都有人信。最正係無梘味，而且點搖都唔會起泡。 之前用緊Bioderma 保濕卸妝潔膚水(HK$188/250ml)。產品聲稱「毋須過水」，但係一搖個樽就出咗好多泡(ｰ ｰ;)，點都要用水沖洗先安心。 而家嚟測試下Timeless Organics 滋養修護卸妝水嘅卸妝力。 手背上嘅係NARS 光亮柔滑遮瑕膏(HK$290/6ml)同REVLON Colorstay™持久濃黑纖細氣墊眼線筆(HK$98/0.7ml)。 將卸妝水倒落化妝棉。抹一下，遮瑕膏已經甩哂，眼線無咗大半。 來回抹多幾下，眼線都乾淨哂。 小妹嘅日常妝容好簡單，如果唔化眼妝，卸妝水已經好足夠。只有影相、演出嘅日子先會化全妝，畫埋眼影、眼線，咁就會用卸妝油。 平時就算早返屋企，小妹都習慣等到夜晚沖涼先卸妝，因為一卸完妝就會感到乾燥繃緊，但又唔想一日搽3次護膚品咁多——雖然留住啲污染物喺皮膚相當唔健康T^T。 Timeless Organics 滋養修護卸妝水正好幫小妹解決咗呢個問題，因為佢真係好保濕。搽上面只feel到涼浸浸，就算唔過水都覺得好舒服——根本就係化妝水！ 小妹皮膚容易敏感泛紅，但卸妝後10分鐘內，即使無搽任何護膚品，都只有蘋果肌位置有少少紅，又唔覺得痕癢。 另一件收到嘅產品係Timeless Ultra-Moisturizing Facial Cleanser 特效保濕潔面液(HK$238/236ml)。近乎HK$1/1ml，性價比超高啊。 洗面次數較卸妝多，支潔面液已經空咗1/6啦——證明小妹真係每日用緊╮(╯▽╰)╭。 成份：水、玫瑰果籽油*、沙棘油*、葡萄籽油*、甜杏仁油*、酪梨油*、杏仁油*、荷荷巴油*、椰子油*、 葵花籽油、紅花油、癸基葡糖苷(取自椰子)、月桂基甜菜鹼、黃原膠、香茅精油*、蘆薈葉汁粉*、 維他命 E、苯氧乙醇、檸檬酸 *有機認證 卸妝後要用埋潔面產品，先可以徹底清潔皮膚，所以夜晚一定係兩支打孖用。 潔面液呈淡黃啫喱狀，好輕盈，會流來流去；帶濃郁檸檬香——係二寶果汁糖嗰隻味(^з^)！ 每次用2至3泵。用之前濕下對手，直接推勻佢就會起泡，連水都唔需要加就夠洗完成塊面，果然夠水份哦(^o^)。 潔面液起泡唔多，唔會抽乾皮膚水份。喺面上打圈按摩半分鐘左右，潔面液漸漸乾透。 過水後，面上嘅油脂污垢無哂，最神奇係皮膚只覺得乾爽但唔乾燥！小妹近呢個月用開嘅Kiehl’s 金盞花深層潔面泡沫(HK$260/230ml)控油效果好勁，可惜同時抽乾哂皮膚。 相比起滋養修護卸妝水，小妹更滿意特效保濕潔面液嘅保濕功效(^з^)-☆。 再次多謝Vegan Concept Store邀請試用，讓小妹認識到咁優質嘅產品！ Vegan Concept 網店： https://www.theveganconcept.com/collections/timeless-organics Vegan Concept Facebook專頁： https://www.facebook.com/VeganConceptStore/ Vegan Concept Instagram： https://www.instagram.com/the_vegan_concept ＊＊＊ 產品和資料由 Vegan Concept by Reussi International Limited 提供
