上次介紹過本地天然手作護膚品牌PURE start from natural嘅潤唇膏，今次想誠意推介小妹一試用完就即刻入貨嘅新產品——暗瘡急救面膜 Acne SOS Mask。 3月頭，PURE Facebook專頁出咗個post邀請試用。面膜蘊含6種精油，有助消炎殺菌、改善暗瘡炎症問題、平衡油脂，仲加入深海膠原蛋白，改善皮膚底層缺水及膠原蛋白流失問題，慢慢令毛孔回復幼細——好吸引啊！ 呢種抽試用嘅方法幾公平。 好輕易就揀中咗，原來小妹塊面真係好嚴重T_T。 小妹喺15號取貨，即晚試用。店員話20g大概可以用4至5次。 當晚護膚程序係： 潔面—>深層清潔面膜（咁啱6日無敷啦）—>金盞花爽膚水—>維他命B5保濕精華—>（平時加埋暗瘡精華，不過覺得無乜效･᷄ὢ･᷅，遲下再分享）—>PURE暗瘡急救面膜—>眼霜—>面霜 一打開蓋，都幾大陣藥味，唔太好聞，同茶樹有啲似。 面膜呈啫喱狀。為免污染面膜，小妹一次過用手指撩一坺(pat)先慢慢搽。 薄薄搽一層，發緊炎嘅位可以敷厚啲。皮膚會feel到有啲乸乸哋，因為面膜含有脂溶性Latic Acid，有淺層煥膚作用，溶解暗粒暗瘡內的油脂。佢比果酸溫和好多，乸嘅感覺只係好輕微，敷多陣就無。 10分鐘後，面膜開始乾，有少許拉扯感。面膜滲透性頗強，太陽穴、眼袋對落之類嘅位置乾咗好多，變成一層薄膜。（有時小妹掛住玩手機唔願起身去廁所，會敷成20分鐘，連厚敷嘅位都會吸收哂！）跟住用溫水洗走多餘面膜。 通常做完深層清潔會好乾，要即時敷返保濕mask，用埋暗瘡護理產品會仲乾！但PURE聲稱Acne SOS Mask加入咗多種保濕因子，包括維他命B3同分子釘，可令皮膚自我製造水份。 清洗多餘面膜後，感覺幾relaxing和舒適，保濕效果未必及保濕mask，但總算帶走咗敷完清潔mask嘅繃緊，無咗啲乾紋。舒緩作用都唔錯，臉頰無咁紅，膚色提亮咗，急救功效過關！（不過呢一刻無谷緊大暗瘡，睇唔到即時消炎效果。） 點擊圖片放大 +2 小妹大概3日用1次，嚟M爆瘡嗰陣就2日1次；如果嗰日唔敷，都會拎少少搽喺暗瘡位置，當暗瘡膏用。 結果，20g用咗5次多啲啲。喺呢2星期，暗瘡謝得比以前快。但Lactic Acid始終會令皮膚乾，喺唔敷暗瘡面膜嘅日子，小妹會敷返自己嘅保濕mask。 粒癦右邊個紅印淺咗好多呀！ 小妹一直無用啱用嘅暗瘡面膜，對PURE Acne SOS Mask頗有驚喜，用咗2次已經落單買咗，小妹向朋友推介咗，仲夾單用咗66折優惠，買咗Acne SOS Mask (HK$390/50g)同美白保濕消炎三合一嘅Vitamin B3 Serum (HK$288/20ml)。 上篇提及過，PURE所有產品都係天然製造，無防腐劑，3個月內就要用完啦。用完50g之後，情況大大改善嘅話再來分享-^^-。 PURE 官方網頁： https://purestartfromnatural.com.hk/zh-hant/ PURE Facebook專頁： https://www.facebook.com/www.purestartfromnatural.com.hk/ PURE Instagram：purestartfromnatural 銅鑼灣分店： 香港銅鑼灣軒尼斯道505號電業城Solo Tower 11樓1111 & 1118室 星期一至日 1:30pm - 8:30pm（公衆假期照常營業） 電話：2891 9189 尖沙咀分店： 尖沙咀加連威老道12號加連威大廈5樓後座（MTR尖沙咀站B出口） 星期一至日 1:00pm - 8:00pm（公衆假期照常營業） 電話：2362 3275 沙田分店： 新界沙田安群街1號京瑞廣場2期2樓230號 （ MTR石門站側 富臨皇宮酒樓對面） 星期一至日 11:30pm - 7:30pm 電話：2362 3030 觀塘概念店： 觀塘工業中心三期四樓P室（MTR觀塘站D4出口) 星期一至六 12:30pm - 7:30pm（星期日及公衆假期休息） 電話：2951 9099 歡迎預約芳療師Belle Kwong作產品及皮膚咨詢。 WhatsApp 訂貨熱線：5408 8492 ＊＊＊ 呢篇唔係邀稿
