喺小妹收到男朋友情人節禮物之先，本地手作護膚品牌PURE start from natural率先為一眾Facebook粉絲預備咗貼心嘅禮物(^з^)-☆。 只要13/2前經WhatsApp完成登記，就可以去門市換領以下四款禮物嘅其中一款：美白淡斑滋潤 Hand & Body Lotion (果香味道)、淡化手部細紋 Hand & Body Lotion (花香味道)、Honey Kiss Me Lip Mask和Cherry Red Lip Balm。 店主Belle平日不時開Facebook live詳細介紹新產品，又樂於同觀眾互動同送禮物——mini size同貨size嘅產品都有啊！而呢四款禮物更加顯示出佢嘅誠意，因為佢哋完全係 非！賣！品！事關小妹多口問咗句平時賣幾錢，店員先話Belle特地為今次giveaway製作㗎(⊙_⊙)。 小妹嘴唇乾到爆，所以首選Lip Mask，有黃色同紅色揀，分別係蜜糖味同車厘子味。原來兩款都可以當潤唇膏或者唇膜用，分別在於Cherry Red Lip Balm搽上嘴會有啲色，小妹作為一等一懶鬼，梗係揀呢款啦！(但個樽都係寫住「Honey Kiss Me Lip Mask」XD ) 都算幾大樽，打開蓋望，同一般lip balm、lip mask差唔多，似係半硬身。 用手指督落去又唔係真係咁硬，摸落去濕濕地，仲一啲都唔黏笠！(小妹一向唔鍾意用樽裝lip balm，因為會整到手指好油膩-3-) 唔需要用紙巾抹，hi一hi手背已經清爽哂(^з^)。 搽上嘴感覺幾潤，食嘢前都唔需要keep住補。 唔算好顯色，但足夠讓整體臉色增添紅潤。而且色澤唔solid，似自然唇色多過後期加工Y(^_^)Y。 PURE start from natural個giveaway post話Lip Mask係「100%天然」，製作時「運用有機蜂蠟及乳木果脂」。小妹係大頭蝦一名，總係忍唔住咬唇，食嘢前又忘記抹嘴⋯⋯潤唇膏夠天然就唔怕食落肚對身體有害啦～ 順帶一提，由於所有產品係天然製造、不含防腐劑，所以記住三個月之內用哂啦！ PURE 官方網頁：www.pure-sfn.com PURE Facebook專頁： https://www.facebook.com/www.purestartfromnatural.com.hk/ PURE Instagram：purestartfromnatural 銅鑼灣分店： 香港銅鑼灣軒尼斯道505號電業城Solo Tower 11樓1111 & 1118室 星期一至日 1:30pm - 8:30pm（公衆假期照常營業） 電話：2891 9189 尖沙咀分店： 尖沙咀加連威老道12號加連威大廈5樓後座（MTR尖沙咀站B出口） 星期一至日 1:00pm - 8:00pm（公衆假期照常營業） 電話：2362 3275 沙田分店： 新界沙田安群街1號京瑞廣場2期2樓230號 （ MTR石門站側 富臨皇宮酒樓對面） 星期一至日 11:30pm - 7:30pm 電話：2362 3030 觀塘概念店： 觀塘工業中心三期四樓P室（MTR觀塘站D4出口) 星期一至六 12:30pm - 7:30pm（星期日及公衆假期休息） 電話：2951 9099 歡迎預約芳療師Belle Kwong作產品及皮膚咨詢。 WhatsApp 訂貨熱線：5408 8492 ＊＊＊ 呢篇唔係邀稿
