早排買咗號稱日本銷量冧巴one嘅撕拉式去黑頭「神器」Black x Gel Pack 毛穴清潔黑面膜。可惜效果未如理想(￣O￣;)，有可能係用量太多所致。 上集傳送門： https://blog.ulifestyle.com.hk/blogger/happyjiu/2018/01/【black-x-gel-pack-毛穴清潔黑面膜】用後感-上集/ 換個方法，再嚟一次！ 根據上次經驗，敷咗20分鐘，面膜都係未乾透，無辦法成塊撕出嚟，去唔到黑頭，仲好難洗乾淨⋯⋯今次小妹洗臉之前用。（因為手多擠咗粒黑頭，所以鼻頭紅咗f^_^;)。） 今次只係擠牙膏份量左右搽勻個鼻，不斷推開至半透明厚度。 上次厚敷咗20分鐘，今次5分鐘就開始feel到乾，有拉扯感。 終於成功完整撕出來！但似乎無咩黑頭黏到出嚟，最明顯嘅得正中嗰粒。By the way，搣嗰下好痛，可以媲美喺有毛髮嘅皮膚搣膠布(;´༎ຶД༎ຶ`)。 再睇下鼻頭前後對比——大粒嘅黑頭仲喺度，部份有一半扯咗出嚟，用手擠某程度會方便咗嘅。都係變咗紅鼻哥´д` ;。 手感：差！ 用清水難洗，會黐哂落對手，sip入指甲嚹，未乾透嘅話要用化妝棉先捽得走。 保濕度：差！ 聲稱有10種保濕成分，但係敷完不單止唔潤，仲覺得掹掹緊！ 護膚作用：差！ 扯到皮膚好痛，對皮膚造成刺激。 清潔力：差！ 黑頭粉刺近乎無清除過。 質地太黏笠太難洗，反而容易殘留喺毛孔，造成閉塞！ 結論：不試也罷！！！ 撕拉固然對皮膚無益，但無疑有急救效果。既然都係撕，小妹寧願用韓國Holika嘅豬鼻子去黑頭三部曲鼻貼 Pig-Nose Clear (Black Head 1-3 Steps)。搣出嚟無咁痛，仲黐走成張咁多黑頭粉刺。
