黑頭係每個唔同年紀女性都要面對嘅皮膚問題，鼻頭無論擠極都仲有嘢出嚟。最要命係敷完幾貴嘅清潔mask或者peeling mask，都仲係有嘢擠⋯⋯（無限輪迴）⋯⋯呢個時候，就會寧願相信撕拉式但其實好傷皮膚嘅清黑頭產品。 小妹前幾日發現信用卡戶口多咗幾百蚊cash dollar(≧v≦)/，今個月尾就到期，梗係要買嘢！小妹去卓悅買咗支「日本清黑頭神器」——Black x Gel Pack 毛穴清潔黑面膜(90g)。好多妝藥零售店都有，價格徘徊於HK$5x-7x不等。 點擊圖片放大 聲稱係「三冠王」，可以去角質，又話有10種保濕成分。（話雖如此，做完任何深層清潔護理都應該額外保濕。）背面張粉紅色圖顯示產品可以將黑頭、污垢連根拔起。 拆咗包裝係呢個樣。 為安全起見，先用喺鼻頭重災區試用。呢個係小妹夜晚啱啱洗完臉、未搽toner、精華等等之前嘅鼻。 擠出來係啫喱狀，貌似芝麻糊，聞落（竟然）有淡淡橙香。 質感有啲似痰⋯⋯（抱歉小妹最近感冒，好自然諗起呢樣 XD） 擠唔夠份量（兼懶得再擠），所以鼻翼、眉心搽得較薄。隱約見到啲細窿窿，唔知蓋唔蓋到毛孔呢？ 包裝上寫用15-20分鐘。過咗10分鐘，搽得薄嘅部份開始感到猛猛緊。再摸下鼻尖，面層依然笠黐黐，仲畀我隻手指沾走咗少少。 又過咗10分鐘，不能再等了。小妹由眉心最薄嘅部份開始撕走面膜。 厚嘅部份依然未乾Σ（・□・；）！喺半乾半黏嘅質地下，只好用指甲刮走佢，但係sip哂落指甲邊´д` ;。無辦法，只好用化妝棉濕水抹。 成功撕出嚟嘅係得咁多。對手捽咗5分鐘先乾淨返。 黑頭有無少到呢？似乎分別唔大，但係小妹個鼻就紅咗，應該係頭先太用力抹T_T。 總括而言，今次體驗非常不堪⋯⋯連撕都未撕到——唔排除係技術性錯誤所致。 為咗對件產品公平啲，小妹會過幾日再試一次薄敷，然後再來分享。敬請期待～
