新年第一個星期，帶Charlton去油塘探太婆，順便去左鯉魚門三家村，同埋石礦場，石礦場比想像中靚好多，可以無限打卡，真係🥰隱蔽美景，拍🌾🌾🌾蘆葦草唔一定去大東山，行大東山又辛苦，來呢度交通方便，路線簡單易行，零難度，好啱帶一家老小輕鬆遊。 路線: 油塘地鐵站A2 >鯉魚門三家村 >鯉魚門海鮮街 >燈塔小石灘 >天后廟>鯉魚門石礦場 (原路返回） 時間:約2小時（連拍照） 1️⃣油塘港鐵站步行15分鐘至鯉魚門三家村（也可以選擇做小巴） 2️⃣到達鯉魚門牌坊，避風塘停滿船隻，非常寧靜，特別是日落時分好靚，可以拍D風景照。 3️⃣穿過鯉魚門🍴海鮮街，可到超大隻龍蝦、墨魚及平時少見嘅海鮮，真係好啱帶小朋友來睇下。 4️⃣海鮮街除左可以食海鮮，還有很多傳統糕餅，例如擁有50多年歷史的 瑞香園餅家 有🫓老婆餅，雞仔餅 蛋餅 很適合做🎁手信。仲有間銀色龍☕️咖啡茶座 ，好多人排隊，特色係蛋白腐乳西多士🍞和芒果布丁🍮。 5️⃣沿住鯉魚門海傍道，經過燈塔小石灘，石灘可欣賞對岸港島海景，又係一大打卡點。 點擊圖片放大 +5 6️⃣最有意思係會經過一段壁畫村，每幅壁畫都畫得好靚，色彩繽紛，呈現出鯉魚門和香港嘅特色，小朋友都被吸引住。 點擊圖片放大 +3 7️⃣離開石灘，行到天后宮，天后宮隔離 會有一條小路上山，可以係高角度一覽村落嘅景色。 8️⃣穿過天后宮再行前D，就來到最鐘意嘅石礦場。荒廢的石屋、巨型石牆、大片大片的盧葦草，俾人遼闊空曠的感覺，秋冬金黃一片，景色都好壯觀，好似去左另一個時空，可以帶帳篷野餐墊過來。仲好多攝影愛好者專登來拍靚靚日落照。 點擊圖片放大 +12 交通: 1. 油塘A2出口，步行約15分鐘，到三家村。 2. 油塘A2出口，搭14C / 24號綠色小巴至三家村渡輪碼頭
