去大埔，除左去林村同鐵路博物館，仲可以順便嚟呢間特別嘅🌲森林咖啡館 ，呢間唔可以訂座，週末需提早排隊 雖然地方有少少偏，順便過來都值得嘅。白色簡樸🏠cafe被🌲樹林包圍住，真係俾人有種去左森林嘅感覺。餐廳有室外和室內，多處影相打卡位。鐘意復古文藝裝飾嘅，可坐係室內。餐廳內擺放復古🪀玩具和📷相機，成個復古feel出晒黎，仲播放住柔和音樂，一邊飲☕️咖啡，一邊聽🎵音樂，感覺真係好relax。 點擊圖片放大 +4 室外被植物包圍，有遮蓋唔怕晒。環境好正，有英式電話亭，建議秋天過黎可以坐室外，有微風好舒服。仲有個區域有秋千，木馬，小朋友會好鍾意。 點擊圖片放大 +3 食物價錢略貴，但整體都唔錯。招牌菜係🍔大食漢堡$95，賣點是面包自製，漢堡的確幾好食，肉餡料足，又香。我哋仲叫左🥗雞扒沙律，薄切雞扒煎得幾滑溜。 注意若假期去，餐廳的漢堡好快賣晒，大概中午1點就無啦，記得提前落單。👍同埋值得一讚係員工都😄友好親切。 今次小遺憾我哋冇睇到小松鼠，但聽講員工會餵食附近松鼠，都好大機會見到可愛的小松鼠，好啱帶埋小朋友一齊親親大自然，仲可以帶埋寵物。 地址:新界大埔林錦公路DD19段開放時間:星期一 休息星期二至六 中午12:00-6:00星期日 下午1:00-6:00交通:1地理位置算方便，可以開車過去，咖啡館外有片空地免費泊車。2太和站坐25K小巴，在新村均益士多落車然後沿士多旁的一條小路步行
