今朝好早就起咗身，因為時差，瞓下醒下 ... 執好行李之後就去食早餐，又係搭電車去超市搞掂！朝早嘅食物比夜晚啲新鮮，嘻嘻 ... 食完又未夠時間去上船，開頭諗住 around 1200 可以上船，點知要 1500 先得，所以無無聊聊咁周圍行下，有啲悶悶哋，但係又唔敢搭車去咁遠！後嚟家人見有時間，話不如搭車去上船嘅地方望下，橫豎搭車唔洗錢，去到見到隻船已經喺到喇，嗰時大概下晝一點到，一問之下，原來已經上得，好傻仔咁就走人返酒店攞行李再嚟 ... 一上船一棚 staff 已經喺到，等帶你入房同搬行李比你，睇番相先發現，其實佢哋係之後會喺餐廳 serve 你嘅 waiter，我諗凡係呢啲船類都會係咁，做咩都係同一班人，哈哈 ... 入房先 check 下所有嘢，發現個小衣帽間嘅燈唔著，同兩個 staff 講過，不過都無乜反應，咁就自己出 reception 到講啦，佢 mark 落本薄到，話會盡快跟，不過感覺並唔係咁 helpful，等咗好耐都無人嚟，要再追多兩次先終於有個 manager + technician 嚟，佢一嚟揭開塊板就同 manager 講咁咁咁，我覺得其實一早知有嘢，不過無處理，呢個 manager 同我哋講會點點點跟，感覺非常負責，好 .. 就信佢！咁就去食個下午茶先，之後再做埋 safety drill，返到房發現眼燈已經換好咗，要比個 like！ 開船喇！巴塞爾係位於瑞士，法國同德國嘅交界，所以喺交界處有個三國交界紀念碑 (Dreiländereck) 呢個碑都算少人來，因為都幾遠下，雖則話係近我哋上船嘅碼頭，但係很去都好遠下，所以只係開船後，喺船上留影算喇，哈哈 ... ♥♥♥ 船上看日落 ♥♥♥ 話咁快就到咗晚餐時間喇！第一餐嘅 Welcome Dinner 都有啲期待，嘢食係唔錯嘅，服務亦好好，可惜我哋唔係咁慣一餐飯食 3 個幾鐘，真係食到幾眼瞓，哈哈 ... 每晚嘅晚餐其實都大同小異，必係有前菜 - 沙律或小食，湯 - 清或濃，主 - 肉，魚或素食，甜品 - 蛋糕或雪糕；另外必有嘅係飯後芝士同生果，不過呢兩樣係唔變嘅，每晚都係嗰啲芝士同生果，食生果都係我哋嘅地方好，款式多，選擇多！ 點擊圖片放大 +3
