對於第一次去日本既Missmaggie，好彩有男朋友Mr.M帶住我行，所以要比個讚佢先哈哈! 登登登登～～～～今次要介紹既係 － 白川鄉(Shirakawa-go)。 ummmmm......好彩我地最後都係決定照去白川鄉，如果唔係就會錯過左好似童話世界既雪景喇 :D 我地先係名古屋出發，乘搭JR線到高山站(車費大約5300Yen左右，車程大約2小時30分，記得一定要買車票，因為用唔到IC卡架)。呢度係位於高山既濃飛巴士站，由於我地無預先係網上預約買車票，所以要walk-in到高山濃飛巴士站買車票。 點擊圖片放大 去到高山濃飛巴士站買來回車票，每人4420Yen。記得記得一定要買來回啊! 由高山去白川鄉車程大約一小時，當日既班次非常好幸運，因為 果 一 班 車 係 無 其 他 人 架! 好似包車咁哈哈 :D 一到左白川鄉，除左「哇～～～哇～～～哇～～～」就再講唔到其他野，因為眼前一切都係白雪雪，真係好靚好靚啊! (Errrr...係啦我第一次睇雪XDDDDD)當日係白川鄉係零下10度，凍到手都唔想拎出黎，但一路行一路飄雪，成件事好浪漫啊～ 呢間係我地今次住既Guesthouse(Anthut)，由白川鄉車站步行到Guesthouse大約20分鐘，屋內好整潔，屋主亦非常熱情友善啊! 我地仲認識到來自台灣、韓國、德國、瑞士、亞塞拜然既新朋友，一夜之緣，天南地北咁傾呀傾，第二日又再拎起行李各奔西東啦～ 白川鄉既景色真係好靚，雖然厚厚既積雪令人寸步難行，但白茫茫既飄雪同樣令人唔想離開啦，白川鄉係到名古屋必去既景點之一啊:D 遺憾既係因為雪太大太厚，所以兩日都上唔到觀景台啊 :( Mr.M同樣第一次睇雪，佢都好興奮呀! (你睇下幾大舊雪～～～!) 夜晚一齊係雪地一邊行一邊傾計，突然好想停落黎，影低Missmaggie同Mr.M既影子。點擊圖片放大 好啦～～ 我地返名古屋啦 byebye白川鄉 :) Reminder : Missmaggie非常唔建議大家拖住喼去，因為d雪太厚，根本拖唔到行李啊! 係高山同埋白川鄉information counter都可以租Locker，價錢係500Yen (無得overnight架，只係比臨時要擺低行李用)。因為我地第二日會返去名古屋同一間酒店住，所以行李都寄存係酒店。 有問題歡迎留comment / email / intstagram問我啊 :P Welcome to follow my Instagram : http://www.instagram.com/mmmaggie.c Welcome to follow my Facebook Page : http://www.facebook.com/maggiediaryyy
