因為一直想申請大陸銀行戶口，等我返大陸嗰陣時候可以用微信支付，所以首先要申請個大陸電話號碼。我諗香港做得最好嘅大陸電話號碼供應商，都係中國移動同埋中國聯通。咁係呢兩間入面，除咗大陸電話號碼，仲要睇吓邊間喺香港嘅4G無限上網plan最抵用。 經過一輪研究同埋問朋友之後，最後發現中國聯通而家個優惠最抵玩。喺網上申請，連$18行政費同埋內地電話月費都豁免埋，每個月真係$80就$80。相信應該係最抵用嘅香港4G無限上網plan 而家香港嘅4G無限上網plan，其實都係用晒數據之後限速，睇返$80同$108個plan，係本地數據唔同。最特別係$80個plan竟然有580 MB國內流動數據，而$108只係得200 MB，咁玩法真係鼓勵人哋用個平啲嘅plan喎。 不過要提醒返，月費計劃需求加上$9流動服務牌照及行政費(原價$18)，所以總數係$89 ，唔好因為貴左$9就鬧人地，因為間間電訊公司都要。但如果填資料時選擇申請用每月信用卡自動轉賬方式繳付月費，連呢$9都可以豁免埋！ 中國聯通轉台係好方便，除咗可以去門市排隊填資料，上網一樣可以申請轉台，新上台同埋帶Number轉台都可以。（而且頭先講嗰啲優惠淨係上網做先有）咁我上去中國聯通官方網站整，終於由香港電訊4G嘅無限上網plan轉去中國聯通，每個月慳返幾十蚊，仲多咗大陸電話號碼同埋5GB數據。其實都忍左CSL好耐，網上有啲人話佢係CLS真係冇講錯，之前討論區都好多人鬧過佢哋，搭地鐵完全收唔到，可以專心聽音樂唔使打機，慳返數據，真係用心良苦！ 咁喺官方網站填完資料，跟住中國聯通就會寄張Sim卡俾你，唔使收錢，到時間就自己換張SIM卡就可以。希望中國聯通可以多啲宣傳，雖然呢個plan真係好抵，但係真係冇乜人知，始終中國聯通喺香港嘅知名度冇咁大，都好開心佢哋肯整呢個計劃來推廣。中國移動可能越做越大，而家連寬頻都撈埋，我走去門市問佢啲職員，佢哋都好似懶懶閒唔憂做，亦都冇乜心機答你問題，可能成間舖都比老人家圍住，個個做到冇晒心機。希望中國聯通唔好咁快結束呢個優惠，憑着呢個最抵用嘅香港4G無限上網plan去攻城掠地，搶佔市場，可能會逼到其他電訊商提升服務，等我哋消費者可以多啲選擇。
