最近在家工作又無法外用，開始心理不平衡。見屋企還有材料，倒不如自製甜品轉換心情。這次我整的甜品是減糖版朱古力爆餡棉花糖曲奇，顧名思義當然用的糖比網上的再少一點，加入棉花糖帶有足夠甜味～呢款甜品做法唔難，千萬唔好比材料嚇親，最緊要整出來好味道自己食完又開心～ 材料：中筋麵粉 200g可可粉 15g黑糖 80g白砂糖 40g無鹽牛油 120g雞蛋 1隻梳打粉 1/2tsp朱古力粒 適量棉花糖 (大) 適量雲呢拿油 1/2tsp鹽 少許 步驟：1.牛油放至室溫，加入黑糖、白砂糖，打發成軟奶油狀。 2.加入雞蛋，拌勻。 3.加入已過篩的中筋麵粉、可可粉、梳打粉及鹽，拌勻至不黏手狀態。 4.加入雲呢拿油，拌勻；再倒入朱古力粒。 5.取出一少撮曲奇麵團，用手稍為壓平，包入一粒棉花糖，收口向下。 ▲再加朱古力粒作裝飾6.放入已預熱180度焗爐，焗12分鐘。 完成啦～邊焗曲奇味好濃郁，味道唔會太甜，外脆內軟，而且爆餡棉花糖有拉絲效果！因為第一次整，效果未必跟事面上軟身曲奇一樣，不過加入棉花糖的話口感會略為煙韌及軟身。好食可以再encore！ ▲賣相唔算好靚仔但味道是不錯的喲～ ▲嘩～有拉絲效果！ 小貼士：1.一定！一定！一定要用室溫牛油，因為凍牛油會影響曲奇焗出來的效果 (小妹失敗過xd)2.如果只落黑糖，曲奇會有苦澀味，所以加入白砂糖可以中和苦澀味。3.曲奇出爐時較軟身，建議稍涼才食用，以免燙到手或口～
