點擊圖片放大 +11 晚上約人到呢間餐廳食飯，依家逢星期一至四玩無限時任飲任食，有ABC套餐，如果喜歡食牛嘅建議點C，因為有新鮮本地手切騸古牛，出面基本上唔會有得食，粉嫩，薄身，滑溜，好好味。期間限定有乳山生蠔、鮑魚等海鮮品種。可惜當日無生蠔，只好點鮑魚，有煮嘅亦有燒好嘅。前者更鮮甜，後者處理過後會更加惹味，兩者都可以叫。另外推介蒜香生蠔，熱辣辣，咋咋聲，食多幾粒已經可以回本。另外有刺身同串燒。三文魚肥嫩，赤蝦好新鮮，串燒有好多款式，肉、海鮮、菜、甜品，全部都叫咗串，即叫即整，細細條，份量啱啱好。甜品仲特別，多款到誇張，而且完全唔會hea你，朋友食到舔舔脷，話高質過甜品店。
