失驚無神又想飛, 又有平機票, 仲要日本老家, 去吧去吧~~~~~~~~ 仲未係好強發展的宮崎, 有舊屎去日本的感覺, 少人, 樸素, 冇得喪買, 但又好多野睇 飛宮崎既航線幾特別, 佢會先經過大海, u turn半個城市, 係飛機上已經可以overview 宮崎~ 到步搞厘搞勞已經晚飯時間, 我地住係アパホテル宮崎駅橘通 (APA Hotel Miyazaki-eki Tachibana-dori) 宮崎主要的景點其實不在宮崎市, 宮崎JR站係其中一個主要交通點, 巴士站亦係JR出口, 但係JR並不如巴士方便, 我成程冇坐過JR 當然仲有因為我揀左住橘通地區, 好多巴士會經過橘通, 又有山形屋, 一番街, 有得行下食下買下, 幾夜都有野食, 所以我就揀左依度住啦~ 第一餐係苦冇頭緒, 行曬成條一番街, 好多野食, 好多燒肉店, 咁就揀左食燒肉啦! 炭火七輪燒~ 係一番通第一個街口轉右第一間~我地點左牛,豬,雞~ 前2個冇得頂, 雞就爭D, 肉好實... 每一晚都要臨尾兜一轉FAMILYMART, 啤啤佢, 食下生果, 乳酪, 布丁............哈哈哈哈哈