今時今日去紅磡簡直係輕而易舉,搭個地鐵 ⇒BILL⇐ 一聲就到。唔好以為紅磡無咩嘢玩,識睇戲就梗係去’50蚊雞’嘅寶石戲院睇㗎啦! 咁睇完戲食咩好?去紅磡唔一定食啲貴嘢嘅,所謂平有平食,貴嘅都唔一定好食嘅∼ 今次就等小編介紹俾大家知邊度可以食好嘢啦!就係呢間紅磡嘅SEAFOOD STAND嚕!! (小編為咗影呢個咁有霸氣既門口…不禁企咗出馬路) 外面睇落好似貴價西餐廳,但其實。。。 價錢尚算合理,最平嘅$50就有,最貴嘅都唔過$100!! 上圖就係舖中嘅熱賣漢堡•登登登登•就係牛魔王嚕($62 )!!見到啲CHEEEEEEEEEEEESE溶哂,小編表示心花怒放♥側邊仲有少少Salad點綴,睇落去都不失霸氣㗎。 皆因小編十分鍾情於睇裏面嘅廬山真面目,但舖內就無幫客人切開個包嘅服務,咁就唯有自己用膠刀叉切開啦∼ 切嘅過程比起小編想像嘅容易,因為個包面係烘過黎㗎!!!表示感動萬分 ♥ 可以啱啱好一口咬得晒(小編口頗大,加上無形象可言) ♥ Cheese咬嘅時候仲係溶㗎 ♥ 漢堡扒大概七成熟,食落去頗juicy ♥ 個包外脆內軟,口感一流 但美中不足嘅係包底因為放咗番茄而出水稔咗 除咗漢堡包之外,店內都有提供小食㗎!小編就試咗呢個薯角,咬落去便知龍與鳳,五個字… !新鮮滾熱辣!係必食之選 驚喜小發現♥原來番茄醬入面有啲香草同黑椒,惹味得很嘅呢♥ 點擊圖片放大 呢度嘅燈光環境都好適合couples拍拖或者普通gathering,啲櫈雖然係高櫈∼但都好穩陣㗎! ♥溫馨小驚喜:檯底同埋牆上面都有復古汽水蓋形狀嘅特色小勾仔方便大家勾自己隨身上♥ 店名:Seafood Stand 地址: 紅磡湖光街1-7號聯成大廈鴻運閣地下13號舖 (黃埔地鐵站Exit B) 電話號碼:2968 0606 分店:尖沙咀⇒麼地道65號安達中心地下5號舖 筲箕灣⇒筲箕灣東大街59-99號東威大廈11號舖 樂富⇒聯合道198號樂富廣場1樓1104號舖 推介:★ ★ ★ ★ ☆ 價錢:★ ★ ★ ☆ ☆ 視覺享受: ★ ★ ★ ☆ ☆ 口感: ★ ★ ★ ☆ ☆ 環境: ★ ★ ★ ★ ☆ 等候時間: ★ ★ ★ ★ ☆ 此文章由二號小編李冰冰撰寫