老人家行唔快，會坐郵輪去旅行? 坐郵輪好悶嘅，係海上面咩都無得睇? 郵輪好貴，咩都收錢，一定好貴? 間房會唔會好細，訓得好辛苦? 原本我都係咁認為，但今次嘅已經完全改變左我，100%愛上郵輪之旅 事源係南半球紐西蘭working holidays時候一直都好想去附近出名陽光海灘嘅南太平洋小島玩返一轉，但係機票其實好貴，差不多HKD4,000來回機票，而且當你山長水遠去到其中一個小島時，至少要留返五至七日先會值回票價，所以呢個計劃一直只係心裡面。 直到住左係當地一個家庭，女屋主提議可以用坐郵輪嘅方法去玩晒幾個南太平洋小島，而且一個價錢包括所有行程內食同住嘅費用，相對會抵過單咁遊一個小島。女屋主曾經玩過幾次，而且仲包括埋瓦努阿圖! 但其實，郵輪遊時間表一早就排好晒，客人亦會好早報名，一早計劃好，所以都無能為力，而且當時已經計劃好，紐西蘭working holidays 之後澳洲睇2016新年煙火，新年煙住的地方真的很貴，已經要打算放棄去南太平洋小島打算時，發現到原來郵輪有仲半價Offer!!! 一月是學校假期澳紐旅遊嘅高峰期，14日嘅郵輪價錢由NZD 3,800減到 NZD1,400，實在太過吸引! 淡季時遇上特價offer會更更更抵 ：）大家可以留意！而且，航程時間同地點有長有短，實有一個岩你嘅！ 於是，11月中訂好了1月中的14日13夜郵輪假期，澳洲墨爾本->南太平洋小島6個岸，仲要包括香港人最愛瓦努阿圖。 南太平洋14日13夜航程: 墨爾本出發 -> 3日海上之旅 -> NOUMEA -> LIFOU -> MYSTERY ISLAND -> PORT VILA -> MARE -> ISLE OF PINES -> 3日海上之旅 -> 墨爾本上岸 P&O官網 http://www.pocruises.com.au/pages/default.aspx Pacific Jewel 排水量7萬噸，甲板層 11層，載客量1950位旅客。上船前，做好一般出境手續，用信用卡繫上P&O門匙卡，船上的消費都會記錄在船卡上，所有既是房門鑰匙也是船上的身份証。 基本上同酒店房，沒有大分別，實際上是一間海上酒店。而且，一日仲有兩次housekeeper執房服務，真係正過住酒店。Housekeeper每日執房之餘，仲用毛巾整動物公仔，好貼心同驚喜，次次期待今日有咩小動物。每日要有一份Pacific Daily送到房內，提醒你每日活動，郵輪上無時無刻都有活動或表演隨意參加，所以一定要留意每日嘅活動聖經Pacific Daily。 點擊圖片放大 +4 另一件令人高興又興奮嘅事就係每日三餐費用都係包括在內!! 郵輪上有西餐廳同一個有亞洲、中東、西式同甜品嘅大型Food Court，每日不斷有野比你食，一定唔會餓親。不過呢，酒同汽水就要另外俾錢*。西餐廳Water Fount成個Meun俾你叫，日日換新菜式，坐定定可以食個Full Set，任點任叫食咩都得，一蚊都唔洗加，抵到大叫!! 而Food Court，可以隨意點食咩，食多多又得，食少少過下口隱都無問題。最岩就係趕睇Show同唔想坐定定，快食之選。 食物有一般酒店水準，牛排同西餐都好唔錯。係外國地方食亞洲菜好大機會中伏是常識吧，但唔洗錢的話，一試無妨。 *行李係唔可以拎酒精飲品，無得偷雞，所有行李需要照X-RAY* 點擊圖片放大 +6 郵輪上可以玩嘅活動有好多，有免費嘅水中舞班亦有要俾錢嘅zip line。想休息下又可以係甲板上安靜睇日落，或者係飲杯咖啡。Shopping癮起的話，郵輪上仲有五六間小型商店俾你買野，當中更加有PANDORA，出左公海產品免稅另外加首24小時消費9 折，真係一大亮點。 點擊圖片放大 +4 郵輪上硬件講完，但14夜有太多可以講太好玩嘅事，下次輪到郵輪上Party同泊船上岸有咩玩。 :-P
