書名: 辭職去南極 筆名: 小朋 香港八十後, 港大畢業, 當了幾年所謂"四大"核數師, 工作壓力大還要忽然甩拖大受打擊. 理應平服心情, 再拍拖, 結婚, 送仔女讀國際學校, 打一世工, 供一世樓嗎? 她選擇了一個人辭職去南極. 頭先放工行過去會展，終於見到自己本書出世，真的很感動！ 聽日下晝三點在書展博覧道入口大堂會有簽名會，大家記得黎捧場呀！咦，但據非正式統計，辭職去南極的讀者多為八十後上班族，當中不少跟我上年未辭職時一樣是做迫科的，近排趕緊六月year end的客戶，星期三大概來不了書展。 出版社話唔緊要，仲有好多放暑假的學生會來。我心諗，班學生都未入職，點辭職呢？ 屋企的小朋友注意，姐姐是工作了幾年，考了牌，儲了筆錢才辭職去南極。旅行後獲得正能量就快快返新工啦。play hard 是要曾經 work hard 才過癮啊。 出版社知道抽中weekday 都係冇人㴝架啦，不過志在參與喎。我有家人和朋友到場，佢地話會排完再排扮多人d，又話第一次想排隊排耐d 記得大學時在四字母銀行做part time teller, 中環半山間分行條龍日日排到出門口，個個客都要快快做，事隔多年那條龍還是歷歷在目。忽然很希望聽日條龍有咁長！ 由出blog 到出書超過一年的時間，看見有讀者一直支持，其實最感動係有讀者話每次睇完都開心左，這就是我寫文的意義。
