早兩日瓜媽去左間舒服、有feel而且價錢合理既既西餐廳！餐廳位於大角咀，大家可以bookmark定，遲啲開番晚市去！平日餐廳仲有Live Brand，近期因疫情暫停左～餐廳環境優雅，而且張張枱都會幫你點上蠟燭，充滿情調 . 精選小食拼盤 $268 有手工白啤酒槳炸牛油果條、金文畢芝士球、自家製蟹餅、單骨捧捧雞我自己就最欣賞單骨雞，捲成球狀，似棒棒糖～外脆內軟，炸到好香！隨上三款不同口味醬汁，千島、蛋黃及辣醬，任君選擇！ 韓國松葉蟹膏龍蝦湯配自家製牛油烤西班牙水晶包 $188 絕對要叫一份試試，唔試會後悔！蟹膏融入在龍蝦湯度，飲完一啖又一啖，完全唔會覺得厭！ 黑松露薯條配黑松露巴馬臣芝士豆乳醬 $118黑松露既香氣十分濃郁，未擺入口就聞到勁香！一點埋豆乳醬，薯條既熱力令芝士融化，兩者配合，口感一流！ 刁草牛油香煎澳洲深海盲曹魚柳 配 輕煮意大利煙燻培根伴蔬菜佐熱帶風味莎莎 $248 有心思既擺盤，仲有塊風乾左既橙，過口清味岩曬！非一般既魚柳，肉嫩好似bb肌膚咁嫩滑！ 火山石燒澳洲霜降M5和牛腹扒 牛油汁輕煮蔬菜佐意大利鮮香芹醬 $388 一如既往，叫左5成熟，烹飪時間較長，但係值得等既！廚房己經切好，咬落口秒化！蔬菜有茄子、薯仔、香草、西蘭花、南瓜，一啲都唔單調～ 法式焦糖燉蛋 配愛爾蘭奶油利口酒&雪糕 $118 生活總要加一點甜才完滿！最後點埋個焦糖燉蛋，超中意敲穿面層既焦糖個下！一啖蛋、一啖焦糖、一啖雪糕 ginger beer house wine ——————————————————INSTAGRAM OF GWAMA [ y.yeda ]FACEBOOK [ 瓜瓜一家 ]——————————————————♡不定期分享吃喝玩樂資訊♡
